ట్రెండింగ్
భావోద్వేగానికి గురైన నారా లోకేష్
Andhra Pradesh Telugu | Suryaa Desk | Published : Sat, May 28, 2022, 11:26 AM
నిన్న అనగా శుక్రవారం మొదలైన టీడీపీ మహానాడు వేడుకలు ఘనంగా నిర్వహిస్తున్నారు. ఇందులో అనేకమంది టీడీపీ శ్రేణులు పాల్గొన్నారు. ముఖ్యంగా సభకి ప్రాతినిధ్యం వహించిన నారా లోకేష్ మాట్లాడుతూ.... అంబరాన్నంటిన మహానాడు మహా సంబరంలో తొలిరోజు ప్రతినిధుల సభలో పాల్గొనడం నా జీవితంలో మరిచిపోలేనిది. సీనియర్ నేతలు, యువనేతలు, మహిళలు, కార్యకర్తలు, వలంటీర్లు తెలుగుదేశంపై చూపించిన అభిమానం నాలో నవ్యోత్తేజం నింపింది. వివిధ స్టాల్స్ సందర్శించాను. ఎన్టీఆర్ బ్లడ్ బ్యాంకు నిర్వహించిన శిబిరంలో రక్తదానం చేశాను. కోట్లాది మందితో కూడిన తెలుగుదేశం కుటుంబంలో భాగం కావడం నా పూర్వ జన్మ సుకృతం. తాత ఎన్టీఆర్ శతజయంతి ఉత్సవాల సందర్భంగా ఆ మహనీయుని స్మరించుకుని ఘననివాళులు అర్పించాను అని కొంత భావోద్వేగానికి గురయ్యారు.
|
|