హోమ్ లోన్ పై ఈ అవగాహన అవసరం...అపుడే అది వరం

ఇళ్ల కట్టి చూడు..పెళ్లి చేసిచూడు అన్నారు పెద్దలు. ఇంటి నిర్మాణం ఎంతటి ఛాలేంజింగ్ గో ఆ సామెత్తతోనే అర్థమవుతుంది.  ఇక హోమ్ లోన్ తీసుకొన్నే వారు కొన్ని జాగ్రత్తలు తీసుకోవాలని ఆర్థిక నిపుణులు  చెబుతున్నారు. హోమ్ లోన్ కోసం అప్లై చేసుకోవడానికి ముందు వడ్డీ రేట్లు ఎలా ఉన్నాయో చెక్ చేసుకోవాలి. టెన్యూర్, ఇతర అర్హతలు తెలుసుకోవాలి. ఎంత ఈఎంఐ పడుతుందో అవగాహన ఉండాలి. ఎందుకంటే హోమ్ లోన్ అనేది లాంగ్ టర్మ్ ఫైనాన్షియల్ ప్రొడక్ట్. నెలవారీ వేతనంలో ఈఎంఐ అనేది 40 శాతం మించకుండా చూసుకోవాలి. మీ వద్ద ఇల్లు కొనుగోలుకు డబ్బులు లేకపోతే జాయింట్ హోమ్ లోన్ తీసుకోవడం ఉత్తమం. కాగా బ్యాంకులు ఇప్పుడు రుణ రేట్లు పెంచుకుంటూ వెళ్తున్నాయి. అందువల్ల ఏ ఏ బ్యాంకుల్లో ఇప్పుడు ఎలాంటి వడ్డీ రేట్లు ఉన్నాయో తెలుసుకుందాం.

హోమ్ లోన్ అనేది బెస్ట్ ఫైనాన్షియల్ ప్రొడక్ట్ అని చెప్పుకోవచ్చు. దీని ద్వారా ట్యాక్స్ బెనిఫిట్స్‌తో (హౌసింగ్ లోన్‌పై సెక్షన్ 80సీ, సెక్షన్ 80ఈఈ, సెక్షన్ 24 కింద పన్ను మినహాయింపు పొందొచ్చు) సొంతింటి కల సాకారం చేసుకోవచ్చు. హోమ్ లోన్ కోసం అప్లై చేసుకోవడానికి ముందు మీరు ఒక విషయం తెలుసుకోవాలి. మీరు కూడా కొంత డబ్బులు పెట్టుకోవాల్సి ఉంటుంది. ప్రాపర్టీ కాస్ట్‌లో 10 నుంచి 20 శాతం వరకు డౌన్ పేమెంట్ చెల్లించాలి. మీరు డౌన్ పేమెంట్ చెల్లించిన తర్వాత మిగిలిన మొత్తాన్ని హోమ్ లోన్ రూపంలో పొందొచ్చు. బ్యాంక్ లేదా నాన్ బ్యాంకింగ్ ఫైనాన్షియల్ కంపెనీ (ఎన్‌బీఎఫ్‌సీ) నుంచి హౌసింగ్ లోన్ తీసుకోవచ్చు. తీసుకున్న రుణాన్ని నిర్ణీత కాలంలో చెల్లించొచ్చు. హోమ్ లోన్ కోసం అప్లై చేసుకోవడం ఈజీనే. ఆన్‌లైన్‌లో కూడా అప్లై చేసుకోవచ్చు. కానీ క్రెడిట్ స్కోర్, ఆదాయం వంటి పలు అంశాల ప్రాతిపదికన రుణ మంజూరీ ఆధారపడి ఉంటుంది. హోమ్ లోన్ అనేది సెక్యూర్డ్ లోన్. అంటే మీరు లోన్ డబ్బులు కట్టకపోతే అప్పుడు బ్యాంకులు మీ ప్రాపర్టీని స్వాధీనం చేసుకుంటాయి.

ఇదిలావుంటే వివిధ బ్యాంకుల హోమ్ లోన్ వడ్డీ రేట్లు ఇలా ఉన్నాయి. ఎస్‌బీఐ - 6.65 శాతం, ఐడీబీఐ బ్యాంక్ - 6.75 శాతం, సెంట్రల్ బ్యాంక్ - 6.85 శాతం, పీఎన్‌బీ - 6.9 శాతం, బ్యాంక్ ఆఫ్ బరోడా - 6.9 శాతం, బ్యాంక్ ఆఫ్ ఇండియా - 6.9 శాతం, యూకో బ్యాంక్ - 6.9 శాతం, యూనియన్ బ్యాంక్ - 6.9 శాతం, కెనరా బ్యాంక్ - 7.05 శాతం, ఐసీఐసీఐ బ్యాంక్ - 7.10 శాతం

ఇదిలావుంటే బజాజ్ ఫిన్‌సర్వ్‌లో హోమ్ లోన్‌పై వడ్డీ రేటు 6.75 శాతం నుంచి ప్రారంభం అవుతోంది. ఎల్‌ఐసీ హౌసింగ్ ఫైనాన్స్‌లో వడ్డీ రేటు 6.9 శాతంగా ఉంది. పీఎన్‌బీ హౌసింగ్ ఫైనాన్స్‌లో అయితే 6.99 శాతం వడ్డీ చెల్లించుకోవాలి. హెచ్‌డీఎఫ్‌సీ హోమ్ లోన్ వడ్డీ రేటు 7 శాతంగా ఉంది. టాటా క్యాపిటల్‌లో వడ్డీ రేటు 7.15 శాతంగా కొనసాగుతోంది. జీఐసీ హౌసింగ్ ఫైనాన్స్, ఇండియాబుల్స్ హౌసింగ్ ఫైనాన్స్‌లో వడ్డీ రేట్లు వరుసగా 7.24 శాతం, 7.6 శాతంగా ఉన్నాయి. ఆదిత్య బిర్లా, రిలయన్స్ హోమ్, పిరమాల్ క్యాపిటల్‌లో వడ్డీ రేటు 9 శాతానికి పైనే ఉన్నాయి.