వధువుకు కేక్ పూసిన వరుడు..వరుడు తీరుపై నెటిజన్ల ఆగ్రహం

సోషల్ మీడియా పుణ్యమా అని ఎటు ఏ చివర ఏమి జరిగిన అది వైరల్ అవుతోంది. అంతేకాదు దానిపై నేటిజన్లు తమదైన శైలీలో స్పందిస్తున్నారు. చాలా సందర్భాల్లో బర్త్‌డే సందర్భంగా కేక్ కట్ చేసినప్పుడు... చుట్టూ ఉన్న ఫ్రెండ్స్... ఆ కేకును పుట్టిన రోజు జరుపుకునే వ్యక్తి ముఖానికి పూస్తారు. అతన్ని బాగా ఆటపట్టించామని భావిస్తారు. కానీ వారు ఓ విషయాన్ని గ్రహించాలి. ఆహార పదార్థాల్ని వేస్ట్ చేసే హక్కు మనకు లేదు. ఈ భూమిపై ఇప్పుడు పండిస్తున్న ప్రతి ఆహార పదార్థానికీ... రైతులు రకరకాల పురుగుమందులు, కీటక నాశినులు, ఎరువుల్ని ఉపయోగించాల్సి వస్తోంది. ఫలితంగా ఏటేటా భూసారం తగ్గిపోతోంది. ఆ సారం కోసం మరిన్ని ఎక్కువ ఎరువుల్ని వాడుతూ పోతున్నారు. ఇలా కాలం గడిచేకొద్దీ... పంటల దిగుబడి తగ్గిపోతుంది. అందువల్ల భూమిని కాపాడే ప్రయత్నం జరగాలి. ఆనందం కోసం ఆహార పదార్థాల్ని వృథా చెయ్యడం ఏమాత్రం సమంజసం కాదు. ఈసారి పుట్టిన రోజు జరుపుకుంటే.. మిగిలిన కేకును ముఖానికి పూసే బదులు.. పేద పిల్లలకు పంచండి.. అప్పుడు కలిగే ఆనందం అమూల్యమైనది అని ఆహార నిపుణులు సూచిస్తున్నారు. 

ప్రస్తుత వీడియోనే తీసుకుంటే వధూవరులకు ఆనందంగా పెళ్లి జరిగింది. అక్కడ 7 అంతస్థుల కేకును చక్కగా డెకరేట్ చేసి ఉంచారు. అందులోంచీ ఓ ముక్కను కట్ చేసిన వరుడు... దాన్ని వధువుకి తినిపిస్తున్నట్లు నటించి... ఆమె ముఖానికి పూసేందుకు యత్నించాడు. ఆమె తప్పించుకునేందుకు ప్రయత్నించినా... బలవంతంగా పూసేశాడు. మేకప్ మొత్తం పోయింది. ముఖం కేకుతో నిండింది. ఆగ్రహంతో ఉన్న వధువు కూడా అతనికి పూయాలని ప్రయత్నించగా... అక్కడి నుంచి పారిపోయాడు.దీనిపై నెటిజన్లు తమ ఆగ్రహాన్ని వ్యక్తం చేస్తున్నారు. "ఆ వధువును చూసి జాలిపడుతున్నాను. దీన్ని బట్టే అర్థమవుతోంది.. అతను మంచివాడు కాదు" అని ఓ యూజర్ కామెంట్ ఇచ్చారు. "అతను మంచి భర్త కాదు. విడాకుల ప్రక్రియ ప్రారంభించండి" అని మరో యూజర్ కామెంట్ ఇచ్చారు. 

"హనీమూన్‌కి అతను ఇలా అస్సలు చెయ్యకూడదు" అని మూడో యూజర్ స్పందించగా... "చూస్తుంటే చివర్లో ఆమె ఏడుస్తున్నట్లుంది" అని నాలుగో యూజర్ రిప్లై ఇచ్చారు. "పిల్లల లాగా పెద్దవాళ్లు వ్యవహరించడమేంటి?" అని మరో యూజర్ కామెంట్ ఇచ్చారు. "ఇదేమీ ఫన్నీగా లేదు. పెళ్లి అనేది వధూవరులకు ఆనందకర సందర్భం. వధువు ఆనందాన్ని అతను పోగొట్టేశాడు. అతనేం వరుడు?" అని మరో యూజర్ ఫైర్ అయ్యారు. "అతను చాలా కఠినంగా వ్యవహరించాడు. ప్రత్యేకమైన రోజున ఆమె మేకప్, డ్రెస్సును నాశనం చేశాడు" అని మరో యూజర్ తన ఆవేదనను వ్యక్తం చేశారు.