సరికొత్త ఫ్యూచర్లతో...కియా కార్లు మార్కెట్ లోకి

బారతదేశంలో కియా కార్లకు ప్రస్తుతం ఉన్న క్రేజ్ అంతా ఇంతా కాదు. భారత్ లో కియా కార్లకు డిమాండ్ బాగా పెరిగింది. దేశంలో తయారు చేయడం, అత్యుత్తమ ఫీచర్ల పొందుపరచడం తదితర కారణాల వల్ల ఈ వాహనాలను అధికంగా విక్రయిస్తున్నారు. వీటిలో కియా సోనెట్ మోడల్ బాగా విజయవంతమైంది. భారత విపణిలోకి ఈ కారు విడుదలై ఒక సంవత్సరం పూర్తయిన సందర్భంగా కంపెనీ యానివర్సరీ ఎడిషన్ ను లాంచ్ చేసింది. ఎక్స్ షోరూంలో ఈ కియా సోనెట్ యానివర్సరీ ఎడిషన్ ధర వచ్చేసి రూ. 10.79 లక్షలుగా నిర్దేశించింది. గరిష్ఠంగా రూ.11.89 లక్షల వరకు ఉంది. ఈ కొరియన్ సంస్థ నుంచి విడుదల సోనెట్ మోడల్ లాంచ్ అయిన 9 నెలల్లోనే లక్ష యూనిట్ల విక్రయాలను అందుకుంది. లిమిటెడ్ యూనిట్లతో మాత్రమే వచ్చిన ఈ వాహనం ఈ ఆర్థిక సంవత్సరం చివరి వరకు మాత్రమే అందుబాటులో ఉండనుంది.

ఈ సరికొత్త సోనెట్ యానివర్సరీ ఎడిషన్ నాలుగు రంగుల్లో వచ్చింది. అరోరా బ్లాక్ పెరల్, గ్రావిటీ గ్రే, సిల్వర్ స్టీల్, గ్లేసియర్ వైట్ పెరల్ లాంటి కలర్స్ లో లభ్యమవుతుంది. అంతేకాకుండా ఈ నూతన వాహనంలో కొన్ని అప్డేట్లను కూడా చేసింది కియా సంస్థ. ఫ్రంట్ స్కిడ్ ప్లేట్ ఆరెంజ్ యాక్సెంట్లోకి మార్చింది. అంతేకాకుండా ఫ్రంట్ గ్రిల్, సైడ్ అండ్ రియర్ స్కిడ్ ప్లేట్స్ ను కూడా ఆరెంట్ యాక్సెంట్స్ ను పొందుపరిచి అల్యూమినియం ఫాక్స్ తో ఫినిష్ చేసింది.

ఈ సరికొత్ కియా సోనెట్ యానివర్సరీ ఎడిషన్ మిడ్ స్పెక్ హెచ్ టీఎం ట్రిమ్ ఆధారంగా రూపొందించారు. ఇందులో 8.0- అంగుళాల టచ్ స్క్రీన్ ఇంఫోటైన్మెంట్ సిస్టం, ఆండ్రాయిడ్ ఆటో, యాపిల్ కార్ ప్లే, ఆటోమేటిక్ క్లైమేట్ కంట్రోల్, డిజిటల్ ఇన్ స్ట్రూమెంట్ క్లస్టర్, పవర్ అడ్జస్టబుల్ రేర్ వ్యూ మిర్రర్, కీ లెస్ ఎంట్రీ, ఇంజిన్ స్టార్ట్-స్టాప్ బటన్, క్రూయిజ్ కంట్రోల్, రియర్ ఏసి వెంట్స్, మల్టీ ఫంక్షన్ స్టీరింగ్ వీల్ లాంటి తదితర ఆప్షన్లు ఉన్నాయి. సేఫ్టీ ఫీచర్ల దగ్గరకొస్తే రెండు ఎయిర్ బ్యాగులు, ఏబీఎస్, ఈబీఎస్, ఎలక్ట్రానిక్ స్టెబిలిటీ కంట్రోల్, ఆటో హెడ్ ల్యాంపులు, బ్రేక్ అసిస్ట్, రియర్ పార్కింగ్ కెమెరా లాంటి తదితర ప్రత్యేకతలను ఇందులో పొందుపరిచారు.

ఈ ఎస్ యూవీలో 1.5-లీటర్ సీఆర్డీఐ డీజిల్ ఇంజిన్ లేదా 1.0-లీటర్ జీడీఐ టర్బో పెట్రోల్ ఇంజిన్ ఉంది. డీజిల్ ఇంజిన్ వచ్చేసి 99 బీహెచ్ పీ బ్రేక్ హార్స్ పవర్, 250 ఎన్ఎం టార్క్ ను ఉత్పత్తి చేస్తుంది. అంతేకాకుండా 6-స్పీడ్ మ్యానువల్ ట్రాన్స్ మిషన్ వ్యవస్థతో పనిచేస్తుంది. ఆటోమేటిక్ ట్రాన్స్ మిషన్ లో ఇది 114 బీహెచ్ పీ బ్రేక్ హార్స్ పవర్ ను ప్రొడ్యూస్ చేస్తుంది. 1.0-లీటర్ పెట్రోల్ ఇంజిన్ అయితే 118 బీహెచ్ పీ బ్రేక్ హార్స్ పవర్, 172 ఎన్ఎం టార్క్ ను ఉత్పత్తి చేస్తుంది. ఇది 6-స్పీడ్ క్లచెస్ ఐఎంటీ మ్యానువల్ ట్రాన్స్ మిషన్ వ్యవస్థ లేదా 7-స్పీడ్ డీసీటీ గేర్ బాక్స్ వ్యవస్థను కలిగి ఉంది.