ట్రెండింగ్
మానవత్వాన్ని చాటుకున్న జనసైనికులు
Andhra Pradesh Telugu | Suryaa Desk | Published : Sat, Jun 11, 2022, 02:34 PM
గుడివాడ పట్టణంలో భిక్షాటన చేసే యాచకులకు గుడివాడ పట్టణ జనసైనికులు పాదరక్షలు అందజేసి మానవత్వాన్ని చాటుకున్నారు. ఈ సందర్భంగా పట్టణ జనసేన నాయకులు మాచర్ల రామకృష్ణ (ఆర్ కె) మాట్లాడుతూ గత కొన్ని రోజులుగా ఎండ తీవ్రత ఎక్కువగా ఉండడం వల్ల రోడ్డు మీద ఉన్న యాచకులు నిరుపేదలు ఎండలో బిక్షాటన చేసుకుంటూ కాళ్లు కాలి పోతూ ఇబ్బంది పడడంతో మానవసేవే మాధవసేవ అని వారికి పాదరక్షలు అందజేయడం జరిగింది అని తెలియజేశారు.
మనకు ఉన్న దానిలో ఆకలితో అలమటించే అన్నార్తుల కు పేదవారికి సహాయం చేయాలని మానవత్వాన్ని బ్రతికించాలి అని కోరారు. మా అధినేత పవన్ కళ్యాణ్ ఆశయాలతో గుడివాడ పట్టణంలో అనేక సేవా కార్యక్రమాలు చేసుకుంటూ ముందుకు వెళ్తున్నామని తెలియజేశారు. ఈ కార్యక్రమంలో జనసేన నాయకులు అయ్యప్ప, షేక్ కరీం, జగదీష్, చరణ్, సురేష్, మెకానిక్ మూర్తి మరియు జన సైనికులు పాల్గొన్నారు.
|
|