ట్రెండింగ్
నాకు భద్రతా కల్పించేలా రాష్ట్రానికి ఆదేశించండి: రఘురామకృష్ణరాజు
Andhra Pradesh Telugu | Suryaa Desk | Published : Thu, Jun 23, 2022, 02:56 AM
తన నియోజకవర్గంలో ప్రధాని నరేంద్ర మోడీ పర్యటన ఉందని, ఆ కార్యక్రమానికి వెళ్లేందుకు తనకు అవసరమైనంత భద్రత కల్పించేలా రాష్ట్ర ప్రభుత్వాన్ని ఆదేశించాలని కేంద్ర హోంశాఖను వైసీపీ రెబెల్ ఎంపీ రఘురామకృష్ణరాజు కోరారు. కేంద్ర హోంశాఖ సహాయ మంత్రి నిత్యానందరాయ్, కేంద్ర హోంశాఖ కార్యదర్శిని ఆయన కలిశారు. ప్రధాని మోదీ వచ్చే నెల 4వ తేదీన తన నియోజకవర్గంలో పర్యటిస్తున్నారని... ఆ సందర్భంగా తాను వెళ్లాల్సి ఉందని వారికి చెప్పారు. తనకు అవసరమైనంత భద్రత కల్పించేలా రాష్ట్ర ప్రభుత్వాన్ని ఆదేశించాలని కోరారు. నిన్న విశాఖపట్నంలో జరిగిన మీటింగ్ కు వెళ్లాలనుకుంటే రానివ్వలేదని చెప్పారు. నేర చరిత్ర ఉన్నవాళ్లు ముఖ్యమంత్రి అవుతారని అంబేద్కర్ ముందే ఊహించలేదని అన్నారు.
|
|