ఏమిటీ ఈ ప్రచారం...ఇక ఆపండి: నటీ మీనా
national | Suryaa Desk | Published : Sat, Jul 02, 2022, 11:46 PM
మీనా ఇంటికి స‌మీపంలో పెద్ద సంఖ్య‌లో పావురాలు ఉంటాయ‌ని, వాటి వ్య‌ర్థాల నుంచి వ‌చ్చిన గాలిని పీల్చిన కార‌ణంగానే విద్యా సాగ‌ర్‌కు శ్వాస సంబంధ స‌మ‌స్య‌లు వ‌చ్చాయ‌ని, ఈ క్ర‌మంలోనే ఆయ‌న మ‌ర‌ణించారంటూ ప‌లు వార్తా సంస్థ‌లు వార్త‌లు రాశాయి. ఈ వార్త‌ల‌పై తాజాగా మీనా స్పందించారు.
తన భ‌ర్త విద్యా సాగ‌ర్‌ మ‌ర‌ణంపై సోష‌ల్ మీడియా వేదిక‌గా జ‌రుగుతున్న అసత్య ప్ర‌చారంపై నటి మీనా విచారం వ్య‌క్తం చేశారు. భ‌ర్త దూర‌మ‌య్యార‌నే బాధ‌లో తానుంటే... అదేమీ ప‌ట్టించుకోకుండా తన భ‌ర్త మ‌ర‌ణంపై అసత్య వార్త‌ల‌ను ప్ర‌సారం చేస్తున్నారంటూ ఆమె ఆవేద‌న వ్య‌క్తం చేశారు. ఇక‌నైనా స‌ద‌రు అసత్య వార్త‌ల‌ను నిలిపివేయాలంటూ ఆమె సోష‌ల్ మీడియా వేదిక‌గానే ఓ భావోద్వేగ ప్రకటన చేశారు.
తన ప‌రిస్థితిని అర్థం చేసుకుని తన కుటుంబ ప్రైవ‌సీకి భంగం క‌లిగించ‌రాద‌ని స‌ద‌రు ప్ర‌క‌ట‌న‌లో మీడియాను మీనా కోరారు. క‌ష్ట స‌మ‌యంలో త‌న‌కు అండ‌గా నిలిచిన వారికి ధ‌న్య‌వాదాలు తెలిపిన మీనా... తన భ‌ర్త ప్రాణాల‌ను కాపాడేందుకు త‌మిళ‌నాడు సీఎం, ఆరోగ్య శాఖ మంత్రి, అధికారులు శాయ‌శ‌క్తులా కృషి చేశార‌ని కూడా ఆమె పేర్కొన్నారు.
|
|