రూ. 1497 కే విమానం ఎక్కొచ్చు,,, ఎయిర్ఏసియా ఇండియా బంపర్ ఆఫర్

తక్కువ ధరకే టిక్కెట్ ఇచ్చి కస్టమర్లను ఆకట్టుకొనేందుకు ఎయిర్ఏసియా ఇండియా బంపర్ ఆఫర్  ను ప్రకటించింది. ప్రముఖ విమానయాన సంస్థ ఎయిర్ఏసియా ఇండియా కొత్త ఆఫర్ తీసుకువచ్చింది. విమాన ప్రయాణికుల కోసం స్ల్పాష్ సేల్ తీసుకువచ్చింది. ఇందులో భాగంగా విమాన టికెట్లను రూ. 1497 ప్రారంభ ధరకే అందిస్తోంది. ఎంపిక చేసిన దేశీ మార్గాలకు మాత్రమే ఆఫర్ వర్తిస్తుంది. ఈ టికెట్ రేటు ఢిల్లీ జైపూర్ మార్గానికి వర్తిస్తుంది. ఎయిర్ఏసియా వెబ్‌సైట్ ప్రకారం.. స్ల్పాష్ సేల్ అనేది 2022 జూలై 10 వరకు మాత్రమే అందుబాటులో ఉంటుంది. అలాగే ఆఫర్‌లో భాగంగా టికెట్ బుక్ చేసుకున్న వారు జూలై 16 నుంచి 2023 ఆగస్ట్ 31 వరకు ఎప్పుుడైనా ప్రయాణం చేయొచ్చు. అంతేకాకుండా ఈ ఆఫర్ కేవలం ఎయిర్‌ఏసియా ఇండియా 15 విమానాలకు మాత్రమే వర్తిస్తుంది.

అంతేకాకుండా పరిమిత సంఖ్యలోని సీట్లకు మాత్రమే ఆఫర్ ఉంటుందని కంపెనీ వెల్లడించింది. ఇది కేవలం లిమిటెడ్ ఇన్వెంటరీ ఆఫర్ అని పేర్కొంది. ఫస్ట్ కమ్ ఫస్ట్ సర్వ్ బేసిస్ ప్రాతిపదికన ఆఫర్ అందుబాటులో ఉంటుందని వివరించింది. ఒకవేళ ఆఫర్ కోసం కేటాయించిన సీట్లు బుక్ అయిపోతే అప్పుడు సీటు బుకింగ్‌కు రెగ్యులర్ టికెట్ ధరలు వర్తిస్తాయని తెలిపింది. అంతేకాకుండా న్యూపాస్ సభ్యులకు అయితే టికెట్ ధరలు రూ. 1300 నుంచి ప్రారంభం అవుతున్నాయని కంపెనీ వెల్లడించింది. టికెట్ ధరలో బేస్ ఫేర్, ట్యాక్స్‌లు, ఎయిర్‌పోర్ట్ చార్జీలు వంటివి కలిసి ఉంటాయి. అలాగే కన్వీనియన్స్ ఫీజు, యాన్సిలరీ సర్వీసులు వంటివి కలిసి ఉండవు.

అంతేకాకుండా ఆఫర్‌ను ఎప్పుడైనా క్యాన్సల్ చేసుకునే అధికారం కంపెనీకి ఉంటుందని ఎయిర్‌ఏసియా తెలిపింది. ప్రయాణికులకు ఆఫర్ రద్దు విషయాన్ని తెలియజేయాల్సిన అవసరం కూడా లేదని స్పష్టం చేసింది. ఈ ప్రత్యేక విమాన టికెట్ల ఆఫర్ రద్దుకు సంబంధించి ప్రత్యక్షంగా లేదా పరోక్షంగా ఎలాంటి నష్టానికి విమానయాన సంస్థకు సంబంధం ఉండదు. దావా లేదా పరిహారం పొందేందుకు ప్రయాణికులకు అర్హత ఉండదని గుర్తించుకోవాలి.

ఇదిలావుంటే మరోవైపు కంపెనీ కొత్తగా ఫ్లైట్ సర్వీసులను అందుబాటులోకి తీసుకువస్తున్నట్లు వెల్లడించింది. లక్నో‌ నుంచి ఐదు ప్రాంతాలకు కలుపుతూ ఈ సర్వీసులు స్టార్ట్ చేయనుంది. బెంగళూరు, ఢిల్లీ, గోవా, కోల్‌కతా, ముంబై ప్రాంతాలకు ఈ కొత్త సర్వీసులు లాంచ్ కానున్నాయి. లక్నో నుంచి ఐదు ప్రాంతాలకు డైలీ సర్వీసులు ఉంటాయని వెల్లడించింది.