మలద్వారం..లోదుస్తుల్లో దాచారు..అయినా పట్టబడ్డారు

దొంగ ఎంత తెలివి ప్రదర్శిస్తే వాటిని పసిగట్టడంలో అంతకంటే ఎక్కువ తెలివిని మన అధికార్లు ప్రదర్శిస్తున్నారు. శంషాబాద్ అంతర్జాతీయ విమానాశ్రయంలో కస్టమ్స్ అధికారులు భారీగా బంగారాన్ని స్వాధీనం చేసుకున్నారు. దుబాయ్ నుంచి రెండు వేర్వేరు విమానాల్లో హైదరాబాద్‌కు చేరుకున్న నిందితుల నుంచి 4,331 గ్రాముల బంగారాన్ని పట్టుకున్నారు. ఒక ఫ్లయిట్‌లో వచ్చిన ఇద్దరు నిందితుల వద్ద 3591 గ్రాములు స్వాధీనం చేసుకోగా.. మరో విమానంలో వచ్చిన వ్యక్తి నుంచి 740 గ్రాముల బంగారాన్ని కస్టమ్స్ అధికారులు స్వాధీనం చేసుకున్నారు. స్వాధీనం చేసుకున్న రెండు కోట్ల రూపాయల పైనే ఉంటుందని అధికారులు చెబుతున్నారు.

దుబాయ్ నుంచి ఈకే-526 నంబర్ విమానంలో హైదరాబాద్ చేరుకున్న ఇద్దరు ప్రయాణికులపై అనుమానం వచ్చిన కస్టమ్స్ అధికారులు వారిని తనిఖీ చేసి.. వారి వద్ద 3591 గ్రాముల బంగారం స్వాధీనం చేసుకున్నారు. పట్టుబడిన బంగారం విలువ రూ.1.87 కోట్లు ఉంటుందని అధికారులు చెప్పారు. ఈ బంగారాన్ని నిందితులు మలద్వారంతో పాటు లోదుస్తుల్లో తరలించేందుకు ప్రయత్నించారని వారిని అరెస్టు చేసినట్లు కస్టమ్స్ అధికారులు వివరించారు.

దుబాయ్ నుంచి వచ్చిన a1-952 నంబర్ గల మరో విమానం నుంచి వస్తున్న వ్యక్తి దగ్గర దాదాపు 740 గ్రాముల బంగారాన్ని అధికారులు స్వాధీనం చేసుకున్నారు. నిందితుడు బంగారాన్ని జ్యూసర్ రోలర్, ఎడ్జస్ వ్యాన్‌కు అమర్చుకుని తరలించేందుకు ప్రయత్నించగా టాస్క్‌ఫోర్స్ అధికారులు చెక్ చేసి పట్టుకున్నారు. జ్యూసర్ నుంచి బంగారం వెలికి తీసిన కస్టమ్స్ అధికారులు నిందితుడిని అదుపులోకి తీసుకుని విచారణ చేపట్టారు.