ట్రెండింగ్
పై నుంచి చూస్తే భూమి ఇలా ఉంటుంది: ఫోటో షేర్ చేసిన ఆనంద్ మహీంద్రా
national | Suryaa Desk | Published : Mon, Jul 25, 2022, 10:57 PM
ఆసక్తి కర అంశాలు, ఫోటోలను షేర్ చేయడం ప్రముఖ పారిశ్రామికవేత ఆనంద్ మహీంద్రాకు ఓ హాబీగా మారింది. ఇదిలావుంటే భూమి మీద నుంచి ఆకాశంలోకి చూస్తే మనకు పలు చిన్నా, పెద్దా గ్రహాలు కనిపిస్తుంటాయి. మరి ఇతర గ్రహాల నుంచి మన భూమి ఎలా కనిపిస్తుంది? అన్న దానికి నిదర్శనమే ఈ ఫోటో. మార్స్ (అంగారకుడు) మీద నుంచి చూస్తే భూమి ఎలా ఉంటుందో చూడాలనుకునే వారి కోసం ప్రముఖ పారిశ్రామికవేత్త ఆనంద్ మహీంద్రా ఓ ఫొటోను ట్విట్టర్లో పోస్ట్ చేశారు.
‘‘ఈ ఫొటో మనకు ఏదైనా ఒక్కటి నేర్పుతుందంటే.. అది వినయమే’’అని ఆనంద్ మహీంద్రా ట్వీట్ చేశారు. అంగారకుడిపై వున్న నాసా 'క్యూరియాసిటీ' రోవర్ దీన్ని తీసింది. ‘‘ఈ అద్భుతమైన ఫొటో మార్స్ నుంచి తీసినది. అంగారక గ్రహం.. దీని మీద నుంచి ఓ చిన్న నక్షత్రం మాదిరిగా కనిపిస్తున్నదే మన ప్రియమైన భూగ్రహం’’ అని నాసా పేర్కొంది.
|
|