విలాసవంతమైన బంగ్లాలో అర్పిత...శిథిలావస్థ ఇంట్లో తల్లి
national | Suryaa Desk | Published : Sat, Jul 30, 2022, 05:28 PM
బెంగాల్ మాజీ మంత్రి పార్థ ఛటర్జీకి సన్నిహితురాలైన అర్పిత సంబంధించి ఆసక్తికర కథనాలు వెలుగులోకి వస్తున్నాయి. ఇదిలావుంటే అర్పిత కోల్ కతాలో విలాసవంతమైన జీవితాన్ని గడుపుతున్నారు. కానీ, ఆమె తల్లి మినాటి ముఖర్జీ మాత్రం ఎలాంటి సౌకర్యాలు లేని అతి సాధారణ ఇంట్లో ఉన్నారు. కోల్కతాలోని బెల్గోరియాలో శిథిలావస్థలో ఉన్న అర్పిత పూర్వీకుల ఇల్లు చర్చనీయాంశమైంది. ఈ కేసులో అరెస్టయ్యే వారం ముందు తన కుమార్తె ఇంటికి వచ్చిందని అర్పిత తల్లి మినాటి తెలిపారు. ఎప్పుడు వచ్చినా ఎక్కువ సేపు ఉండదని, తనను చూసి కొన్నిగంటల్లోనే వెల్లిపోయేదన్నారు. అనారోగ్యంతో ఉన్న తల్లిని చూసుకునేందుకు అర్పిత ఇద్దరు సహాయకులను నియమించిందని స్థానికులు చెబుతున్నారు.
ఇదిలావుంటే తన కుమార్తె అరెస్టు అయిన కొన్ని రోజుల తర్వాత మినాటి ముఖర్జీ మీడియాతో మాట్లాడారు. తాను చెప్పినట్టు వింటే అర్పితకు తాను పెళ్లి చేసేదాన్ని అని ఆమె తెలిపారు. అర్పిత తండ్రి ప్రభుత్వ ఉద్యోగం చేశారని, కానీ ఆమెకు మాత్రం ఉద్యోగంపై ఆసక్తి లేదని చెప్పారు. సినిమాలు, టీవీల్లో నటించాలన్న కోరికతో చాలా కాలం కిందటే ఈ ఇంటిని విడిచిపెట్టిందని వెల్లడించారు. అర్పితను ఈడీ అరెస్టు చేసిన విషయం తెలిసిందన్నారు. అయితే, ఆమె ఆర్థిక లావాదేవీల గురించి తనకు ఎలాంటి అవగాహన లేదని స్పష్టం చేశారు.
|
|