వెయిటర్ సేవలకు పడిపోయింది...ఆపై పెళ్లాడింది
national | Suryaa Desk | Published : Tue, Aug 02, 2022, 11:49 PM
మనిషి జీవితంలో అనేక విచిత్ర కలయికలు చోటు చేసుకొంటాయి. అస్ట్రేలియాలో కూడా ఓ విచిత్ర కలయిక ఏకంగా వారి వివాహానికి దారితీసింది. తన విడాకుల పార్టీలో ఉన్న వెయిటర్ ను ఒక మహిళ పెళ్లాడిన ఘటన ఆస్ట్రేలియాలో జరిగింది. వివరాల్లోకి వెళ్తే గాబ్రియెల్లా లాండోల్ఫీ అనే మహిళ తన భర్త నుంచి విడాకులు తీసుకుంది. ఆ సంతోషంలో తన బంధుమిత్రులను పిలిచి ఒక హోటల్ లో పార్టీ ఇచ్చింది. ఈ సందర్భంగా పార్టీకి వచ్చిన వారికి వడ్డించేందుకు వచ్చిన జాన్ అనే వెయిటర్ ఆమెకు ఎంతో నచ్చాడు.
ఆ మరుసటి రోజు పార్టీ ఏర్పాట్ల గురించి ఫీడ్ బ్యాక్ తెలుసుకునేందుకు గాబ్రియెల్లాకు జాన్ ఫోన్ చేశాడు. ఆ తర్వాత ఇద్దరి మధ్య మాటలు మొదలయ్యాయి. ఆ తర్వాత కలుసుకోవడం ప్రారంభమయింది. ఇద్దరూ ఏడాది పాటు డేటింగ్ చేశారు. 2020 డిసెంబర్ లో ఇద్దరికీ ఒక కూతురు పుట్టిన తర్వాత పెళ్లితో ఇద్దరూ వివాహ బంధంలోకి అడుగుపెట్టారు. వీరి ప్రేమ కథ సోషల్ మీడియాలో వైరల్ అవుతోంది.
|
|