అందుకే...ఏ కాలమైన ఏసీ కోచ్ ధర ఒకేలా ఉంటుంది

రైలులో వివిధ కేటగిరీల కింద ప్రయాణ బోగీలుంటాయి. అయితే ఏసీ బోగీల గురించి అందరికీ తెలిసింది కొంతే మరి. భారతీయ రైళ్లలో నిత్యం కోట్లాది మంది రాకపోకలు సాగిస్తూ ఉంటారు. రైలు ప్రయాణం చాలా మంది ఎంతో సౌకర్యవంతం, సురక్షితమని భావిస్తారు. అంతేకాక మిగతా అన్ని రవాణా సాధనాలతో పోలిస్తే రైలు ప్రయాణమే చౌక. ఈ కారణంతో చాలా మంది దూరపు ప్రయాణాలకు ట్రైన్లను బుక్ చేసుకుంటూ ఉంటారు. అయితే వేసవి కాలంలో ఎక్కడికైనా ట్రావెల్ చేయాలనుకుంటే.. ప్రజలు ఏసీ కోచ్‌లను బుక్ చేసుకునేందుకు చూస్తుంటారు. కానీ చలికాలంలో కూడా చాలా మంది ఏసీ కోచ్‌లలో ప్రయాణిస్తుంటారు. కానీ చలికాలంలో ఏసీ అవసరం ఉండదు. అయినా ఏసీ కోచ్‌ల కోసం ఎక్కువ ఛార్జ్ చెల్లించాల్సిందే. కానీ ఎప్పుడైనా మీరు ఆలోచించారా.. చలికాలంలో కూడా ఎందుకు ఏసీ కోచ్‌లకు ఎక్కువ చెల్లించాలి అని.

కానీ దీని వెనుకున్న కారణం వింటే మీకు చాలా ఆశ్చర్యంగా ఉంటుంది. వేసవి సీజన్‌లో బయట ఉష్ణోగ్రతలు ఎక్కువగా ఉంటాయి కాబట్టి.. కోచ్‌లో ప్రయాణికులకు ఏసీ వేసి, ఈ ఉష్ణోగ్రతలను తగ్గిస్తుంది భారతీయ రైల్వే. అలాగే చలికాలంలో బయట చాలా ఎక్కువ చలి ఉండి, ఉష్ణోగ్రతలు పడిపోతుంటాయి. ఆ సమయంలో కోచ్‌లో హీటర్‌ను రన్ చేస్తుంది భారతీయ రైల్వే. చలికాలమైనా లేదా వేసవి కాలమైనా ఏసీ సిస్టమ్ మాత్రం వర్క్ అవుతూనే ఉంటుంది. వేసవి కాలం ప్రయాణికులకు చల్లదనాన్ని అందిస్తే.. చలి కాలం వెచ్చదనాన్ని ఈ ఏసీ సిస్టమ్ అందిస్తుంది. మీకు తెలిసే ఉంటుంది ఢిల్లీ లాంటి ప్రాంతాలలో చలి కాలం హీటర్లను, ఎండా కాలం ఏసీలను వాడుతూ ఉంటారని. అలానే రైళ్లలో కూడా వాడుతూ ఉంటారు.

చలి కాలం ఏసీలలో హీటర్‌ను ఇన్‌స్టాల్ చేసి, వెచ్చటి గాలి సప్లయి అయ్యేలా చూస్తారు. దీని వల్ల మీ స్కిన్ డ్రై కాదు. మీ స్కిన్‌ను ఎప్పటికప్పుడు మాయిశ్చరైజ్ అయ్యేలా చేస్తాయి. అందుకోసమే ఏ కాలమైనా ఏసీ కోచ్‌లకు ధరలు కాస్త ఎక్కువగానే ఉంటాయి. ఈ కోచ్‌లను బుక్ చేసుకునేందుకు జనరల్ టిక్కెట్ కంటే ఎక్కువ ఖర్చు చేయాలి. అంతేకాక ఈ కోచ్‌లలో చాలా రకాలైన సౌకర్యాలను భారతీయ రైల్వే అందిస్తూ ఉంటుంది. చాలా క్లీన్‌గా ఉంచుతుంది. ఇతరులు ఎవరూ కూడా ఎక్కడానికి వీలుండదు.