మోదీ జీవితం ఆధారంగా బయోపిక్
cinema | Suryaa Desk | Published : Sun, Dec 21, 2025, 02:13 PM
ప్రధానమంత్రి నరేంద్ర మోదీ జీవితం ఆధారంగా మరో బయోపిక్ తెరకెక్కుతోంది. 'మా వందే' అనే టైటిల్తో రూపొందుతున్న ఈ చిత్రం శనివారం పూజా కార్యక్రమాలతో అధికారికంగా ప్రారంభమైంది. ప్రముఖ మలయాళ నటుడు ఉన్ని ముకుందన్ ఈ సినిమాలో ప్రధాని మోదీ పాత్రను పోషిస్తున్నారు.చిత్రీకరణ ప్రారంభమైన విషయాన్ని చిత్రబృందం సోషల్ మీడియా ద్వారా వెల్లడించింది. ముహూర్తానికి సంబంధించిన వీడియోను నటుడు ఉన్ని ముకుందన్ పంచుకుంటూ, "ఒక దేశ భవిష్యత్తును తీర్చిదిద్దిన వ్యక్తి కథను చెప్పేందుకు కొత్త అధ్యాయం మొదలైంది" అని పేర్కొన్నారు. ప్రధాని మోదీ పుట్టినరోజు సందర్భంగా సెప్టెంబర్లో ఈ సినిమాను ప్రకటించగా, మూడు నెలల తర్వాత చిత్రీకరణ మొదలుపెట్టారు.ఈ చిత్రానికి ప్రముఖ సాంకేతిక నిపుణులు పనిచేస్తుండటం విశేషం. 'బాహుబలి' సినిమాటోగ్రాఫర్ కేకే సెంథిల్ కుమార్, 'కేజీఎఫ్', 'సలార్' చిత్రాల సంగీత దర్శకుడు రవి బస్రూర్, జాతీయ అవార్డు గ్రహీత, ఎడిటర్ శ్రీకర్ ప్రసాద్, ప్రొడక్షన్ డిజైనర్ సాబు సిరిల్, స్టంట్ డైరెక్టర్ కింగ్ సోలమన్ వంటి దిగ్గజాలు ఈ ప్రాజెక్ట్లో భాగమయ్యారు.సిల్వర్ కాస్ట్ క్రియేషన్స్ పతాకంపై వీర్ రెడ్డి ఎం. ఈ చిత్రాన్ని నిర్మిస్తుండగా, క్రాంతి కుమార్ సి.హెచ్. రచన, దర్శకత్వం వహిస్తున్నారు. ప్రధాని మోదీ వ్యక్తిగత, రాజకీయ జీవితంలోని వాస్తవ సంఘటనల ఆధారంగా ఈ సినిమాను రూపొందిస్తున్నట్లు మేకర్స్ తెలిపారు.
|
|