Netflix సర్టిఫికేషన్‌తో Portronics Beem 560 స్మార్ట్ LED ప్రొజెక్టర్ లాంచ్

డిజిటల్ యాక్సెసరీస్ మార్కెట్‌లో ప్రముఖ బ్రాండ్ అయిన పోర్ట్రానిక్స్ (Portronics) తాజాగా Beem 560 స్మార్ట్ LED ప్రొజెక్టర్ను భారత మార్కెట్‌లో లాంచ్ చేసింది. నెట్‌ఫ్లిక్స్ సర్టిఫికేషన్‌తో వచ్చిన ఈ ప్రొజెక్టర్, హోమ్ ఎంటర్‌టైన్‌మెంట్‌ను మరింత స్మార్ట్‌గా మార్చే ఆధునిక ఫీచర్లతో వినియోగదారులను ఆకట్టుకుంటోంది. ఈ కొత్త పోర్ట్రానిక్స్ బీమ్ 560లో 5300 లూమెన్స్ LED లైట్ సోర్స్‌ను అందించడం విశేషం.ఈ స్మార్ట్ ప్రొజెక్టర్ ఫుల్ హెచ్‌డీ 1080p (1920×1080) రిజల్యూషన్‌ను సపోర్ట్ చేస్తుంది. ఒకేసారి గరిష్టంగా 100 ఇంచుల వరకు పెద్ద స్క్రీన్ ప్రొజెక్షన్ అందించే సామర్థ్యం దీనికి ఉంది. స్పష్టమైన విజువల్స్ కోసం ఆటో ఫోకస్, ఆటో కీస్టోన్ కరెక్షన్ వంటి ఫీచర్లను ఇందులో పొందుపరిచారు. అంతేకాదు, టేబుల్‌, షెల్ఫ్‌ లేదా బెడ్‌సైడ్ వంటి ప్రదేశాల్లో సులభంగా అమర్చుకునేందుకు అడ్జస్టబుల్ టిల్ట్ యాంగిల్ డిజైన్‌ను కూడా అందించారు.ఈ ప్రొజెక్టర్‌లో ఇన్‌బిల్ట్ ఆండ్రాయిడ్ ఆపరేటింగ్ సిస్టమ్ ఉంది. దీనివల్ల నెట్‌ఫ్లిక్స్‌, యూట్యూబ్‌, ప్రైమ్ వీడియో వంటి ప్రముఖ స్ట్రీమింగ్ యాప్‌లను నేరుగా ఉపయోగించవచ్చు. అదేవిధంగా స్మార్ట్‌ఫోన్, టాబ్లెట్‌, ల్యాప్‌టాప్‌ల నుంచి వైర్‌లెస్ స్క్రీన్ మిర్రరింగ్‌కు కూడా ఇది మద్దతు ఇస్తుంది.కనెక్టివిటీ పరంగా డ్యుయల్-బ్యాండ్ వై-ఫై, బ్లూటూత్‌, USB, HDMI, AUX పోర్ట్స్‌ను ఇందులో అందించారు. ఆడియో అవసరాల కోసం ఇందులో ఇన్‌బిల్ట్ 3W స్పీకర్ ఉంది. మరింత శక్తివంతమైన సౌండ్ కావాలంటే బ్లూటూత్ ద్వారా ఎక్స్‌టర్నల్ స్పీకర్లను కూడా కనెక్ట్ చేసుకోవచ్చు. తెల్లటి రంగులో వచ్చిన కాంపాక్ట్ డిజైన్ కారణంగా ఇది బెడ్‌రూమ్‌, లివింగ్ రూమ్‌ లేదా షేర్డ్ స్పేస్‌లకు అనువుగా ఉంటుంది.ఈ కొత్త Portronics Beem 560 స్మార్ట్ LED ప్రొజెక్టర్ ధరను కంపెనీ రూ.14,499గా నిర్ణయించింది. ఇది పోర్ట్రానిక్స్ అధికారిక వెబ్‌సైట్‌తో పాటు అమెజాన్ వంటి ప్రముఖ ఆన్‌లైన్ ప్లాట్‌ఫారమ్‌లలో, అలాగే దేశవ్యాప్తంగా ఉన్న ఆఫ్‌లైన్ రిటైల్ స్టోర్లలో అందుబాటులో ఉంది. ఈ ప్రొజెక్టర్‌కు ఒక సంవత్సరం తయారీదారు వారంటీని కూడా కంపెనీ అందిస్తోంది. మొత్తంగా, స్మార్ట్ ఫీచర్లతో కూడిన హోమ్ ఎంటర్‌టైన్‌మెంట్ ప్రొజెక్టర్‌ను వెతుకుతున్న వారికి ఇది మంచి ఎంపికగా నిలుస్తుంది.