ఆ హీరోతో ప్రేమలో ఉన్నా : కృతి కర్బంద

తెలుగులో అరకొర చిత్రాల్లో నటించిన కృతి కర్బంద బాలీవుడ్‌లో వరుస సినిమాలతో బిజీ అయిపోయారు. అక్కడే సెటిల్ అయిపోవాలని అనుకున్నారేమో ఏమో.. పెళ్లి కూడా అక్కడి హీరోనే చేసుకోవాలని అనుకుంటున్నారు. మ్యాటర్ ఏంటంటే.. కృతి కర్బంద ప్రేమలో పడింది. ఆ అబ్బాయి ఎవరో కాదు బాలీవుడ్ నటుడు పుల్కిత్ సమ్రాట్. ‘ఫుక్రే’, ‘జైహో’, ‘సనమ్ రే’ తదితర సినిమాల్లో నటించి తనకంటూ ఫేంను సంపాదించుకున్నాడు. అయితే పుల్కిత్‌కు శ్వేతా రోహిరా అనే అమ్మాయితో ఇదివరకే పెళ్లైంది. శ్వేత తండ్రి సల్మాన్ ఖాన్‌ తండ్రి మంచి ఫ్రెండ్స్. చిన్నప్పటి నుంచి శ్వేత అంటే సల్మాన్ ఖాన్‌కు చాలా ఇష్టం. కానీ కొన్ని కారణాల వల్ల పుల్కిత్, శ్వేత మూడేళ్ల క్రితం విడిపోయారు. ఇందుకు కారణం నటి యామీ గౌతమేనని, చాలా కాలంగా యామి, పుల్కి్త్ ప్రేమలో ఉండటంతో శ్వేత అతనితో విడిపోయారని వార్తలు కూడా వచ్చాయి. కానీ అందులో ఏమాత్రం నిజం లేదని యామి స్పష్టం చేశారు. అయితే ఇప్పుడు పుల్కిత్, కృతి కర్బంద ప్రేమించుకుంటున్నారు. వీరిద్దరూ జంటగా ‘పాగల్ పంతి’ సినిమాలో నటిస్తున్నారు. ఈ నేపథ్యంలో వీరిద్దరి మధ్య ప్రేమ చిగురించింది. పుల్కిత్ అంటే తనకు ఇష్టమని కృతి మీడియా ద్వారా వెల్లడించింది. ‘మా ఇద్దరి మధ్య స్నేహానికి మించిన బంధం ఉందని చాలా మంది అనుకుంటున్నారు. అందుకు నాకు చాలా సంతోషంగా ఉంది. మేం డేటింగ్‌లో ఉన్నామో లేదో ప్రజలే చెప్పాలి. నేను మాత్రం యస్ అని చెప్పను అలాగని నో అని కూడా చెప్పను’ అంటూ పుల్కిత్ అంటే తనకు ఇష్టమని చెప్పకనే చెప్పింది కృతి. ప్రస్తుతం కృతి బోలెడు సినిమాలతో బిజీ అయిపోయింది. ఆమె హీరోయిన్‌గా నటించిన ‘హౌస్‌ఫుల్ 4’ సినిమా త్వరలో ప్రేక్షకుల ముందుకు రానుంది. దీంతో పాటు కృతి ‘చెహరే’ సినిమాతోనూ బిజీగా ఉంది. తెలుగులో కృతి ‘మిస్టర్ నూకయ్య’, ‘ఒంగోలుగిత్త’ సినిమాల్లో నటించింది. కానీ ఆమెను ఇక్కడి ప్రేక్షకులు అంతగా ఆదరించలేదు. దాంతో కృతి బాలీవుడ్‌కి వెళ్లిపోయింది. అక్కడ కృతికి మంచి క్రేజ్ ఉంది. అక్కడ నటన పరంగానూ కృతి మంచి మార్కులు తెచ్చుకుంది.