'కమ్మరాజ్యంలో కడప రెడ్లు' మూవీ లో శ్రీ రెడ్డి...!

రామ్ గోపాల్ వర్మ.. కేరాప్ కాంట్రవర్సీ.. ఈయన చుట్టూ కాంట్రవర్సీలు ఉండటం కాదు.. కాంట్రవర్సీ ఎక్కడ ఉంటే అక్కడికి పరిగెత్తుకుంటూ వెళ్తాడు ఈ దర్శకుడు. హిట్ ఫ్లాపులతో పనిలేకుండా వర్మ చేసే ప్రతీ పని సంచలనమే. ఇప్పుడు కూడా ఇలాంటి పనే ఒకటి చేస్తున్నాడు ఈ దర్శకుడు. ఈ మధ్య హిందీపై ఫోకస్ తగ్గించి.. తెలుగు ఇండస్ట్రీపై దృష్టి పెట్టాడు ఆర్జీవీ. ఈ జీవి ఇప్పుడు మరో సంచలన సినిమాకు సిద్ధమవుతున్నాడు. ఇప్పటికే చాలా సెన్సేషనల్ సినిమాలు చేసిన వర్మ.. ఇప్పుడు కమ్మరాజ్యంలో కడప రెడ్లు అనే టైటిల్‌తో సినిమా చేస్తున్నాడు. ఇప్పటికే షూటింగ్ కూడా పూర్తైపోయింది. సినిమా ట్రైలర్ కూడా సంచలనాలు రేపుతుంది. విడుదలైన దగ్గర్నుంచి వివాదాలతో కాపురం చేస్తుంది కమ్మరాజ్యంలో కడపరెడ్లు ట్రైలర్. చంద్రబాబు, జగన్, పవన్ ఇలా ఏ ఒక్కర్ని వదిలిపెట్టకుండా అందరితోనూ ఆడేసుకున్నాడు వర్మ. దానిపై చాలా రచ్చ కూడా జరుగుతుంది. ఇక ఇప్పుడు ఈ చిత్రంలో శ్రీ రెడ్డి కూడా నటిస్తుంది. ఈమె పాత్ర చాలా కీలకంగా ఉంటుందని తెలుస్తుంది. ఇప్పటికే విడుదలైన పాటలు, ట్రైలర్‌కు తాను కోరుకున్న రెస్పాన్స్ రావడంతో వర్మ హ్యాపీగా ఉన్నాడు. ఇప్పుడు శ్రీ రెడ్డి కూడా తోడయ్యే సరికి మరింత రేంజ్ పెరిగేలా కనిపిస్తుంది. టైటిల్ చూస్తుంటేనే మరో వివాదం కొట్టొచ్చినట్లు కనిపిస్తుంది. మరోవైపు వర్మ మాత్రం తనను కొట్టినా చంపినా తాను అనుకున్నదే చేస్తానంటున్నాడు. నవంబర్ 29న కమ్మరాజ్యంలో కడపరెడ్లు సినిమా విడుదల కానుంది. ఒకేసారి రెండు సామాజిక వర్గాలను లక్ష్యంగా చేసుకుని వస్తున్న ఈ సాంగ్ సంచలనం సృష్టించడం ఖాయం.