అన్నిరకాల వంటలను తింటా: ప్రియమణి
cinema | Suryaa Desk | Published : Thu, Dec 21, 2017, 09:35 AM
ఎవరే అతగాడితో తెలుగు తెరకు పరిచయమైంది ప్రియమణి. కానీ పళ్లైన కొత్తలో సినిమాతో సరైన గుర్తింపు పొందింది. సడెన్గా పెళ్లి చేసుకొని వెండితెరకు దూరమై బుల్లితెరకు దగ్గరైంది. మరి ఆ నటి తనకు నచ్చిన వంటకాలేంటో తెలుసుకుందామా?
నేను అన్నిరకాల వంటలను తింటాను. కాకపోతే ఫుడ్ మీద కంట్రోలింగ్ ఉంటుంది. అలా అని డైట్ ఫాలో అవుతాననుకుంటే పొరపాటే. నేను పెద్ద ఫుడ్ లవర్ని. కొద్దికొద్దిగా ఎక్కువ సార్లు తింటాను. నీళ్లు ఎక్కువగా తాగుతా. తాజా పండ్లు నా రోజువారీ డైట్లో ఉండి తీరుతాయి. రాత్రయితే మాత్రం రెండు చపాతీలు, ఒక వెజ్ కూరతో సరిపెట్టుకుంటా. ఈ మధ్యకాలంలో ఎక్కువ హైదరాబాద్లో ఉంటున్నా. కాబట్టి రెస్టారెంట్లో ఏది పెడితే అది తినేస్తున్నా.
ఒక్కోసారి ఉలవచారు రెస్టారెంట్లో నుంచి ఫుడ్ తెప్పించుకుంటా. అక్కడి అన్ని రకాల వంటలు టేస్టీగా ఉంటాయి. అప్పుడప్పుడు గ్రీన్స్టోన్లో ఐస్క్రీమ్ కూడా తెప్పించుకుంటా. నార్త్ ఇండియన్ వంటకాలన్నీ టేస్టీగా ఉంటాయి. ఇక మా అమ్మ చేతి వంట తింటే అమృతమే. ఆమే నాకు నచ్చిన బెస్ట్ కుక్. అన్ని రకాల వంటలు బాగా చేస్తుంది. ఆమె చేసినవన్నీ చాలా రుచికరంగా ఉంటాయి. నేను మలయాళీ అని అందరికీ తెలిసిందే! అందుకే కేరళ వంటకాలు కూడా బాగానే లాగించేస్తా. అందులో ఓలాన్ అనే వంటకం ఇష్టంగా తింటాను.
|
|