ఏం లీక్ అయినా రూల‌ర్ హిట్టు ఖాయం

జై సింహా లాంటి కమర్షియల్ హిట్ అందించిన కేఎస్ రవికుమార్ దర్శకత్వంలో బాలకృష్ణ హీరోగా వ‌స్తున్న మ‌రో చిత్రంరూల‌ర్‌.  అదిరిపోయే స్టార్ కాస్టింగ్ ,భారీ నిర్మాణ విలువలతో  రూపొందిన రూలర్ చిత్రం డిసెంబర్ 20న ప్రేక్షకుల ముందుకు రానుంది. ఈ నేపథ్యంలో వైజాగ్ లో శనివారం రోజు  ప్రీరిలీజ్ వేడుక నిర్వహించారు నిర్మాత‌లు.

ఈ వేడుక‌లో  బాలయ్య మాట్లాడుతూ తన సినీ జీవితంలో వైవిధ్యమైన చిత్రాలలో నటిస్తూ ముందుకు సాగుతున్నాన‌ని,  . ఆదిత్య 369, మంగమ్మగారి మనవడు, లెజెండ్ లాంటి వైవిధ్యభరితమైన   చిత్రాలన్నింటినీ మీరు అందరించారు.  కేఎస్ రవికుమార్తో గ‌తంలో చేసిన జైసింహా చిత్రం మంచి ఫలితాన్ని అందివ్వ‌గా అదే స్పూర్తితో  సి కళ్యాణ్ తో క‌ల‌సి చేసిన చిత్రం రూలర్ మీ అంచనాలకు తగ్గకుండా ఉంటుంది. ఇక చిత్రం విజయం సాధిస్తుందా లేదా అనే నాడి నాకు ముందే తెలిసిపోతుంది. రూలర్ హిట్ గ్యారెంటీ అని బాలయ్య అన్నారు.  నానా గెటప్పులు చూసి సర్జరీ చేయించుకున్నానని కొందరు అనుకుంటున్నారు. అలా అనుకునే వారికి నేను సమాధానం చెప్పనవసరం లేదని వ్యాఖ్యానించారు. 

దర్శకుడు రవికుమార్, నాది ఒకే మనస్తత్వం. నేను అందరితో ఇమడలేను. అందుకే కళ్యాణ్ గారిని నిర్మాతగా ఎంచుకున్నా. ఈ చిత్రంలో నానా రెండు పాత్రల్లో వైవిధ్యం ఉంటుంది.  లెజెండ్ చిత్రాన్ని వైజాగ్ లో బహిరంగ ప్రదేశంలో చిత్రీకరించాం. ప్రజలంతా షూటింగ్ చూసారు. కానీ ఆ చిత్రం థియేటర్ లో మూడేళ్లు ఆడింది. నా సినిమా గెటప్ లీక్ అయినా, డైలాగ్ లీక్ అయినా నాకు ఎలాంటి భయం లేదు. ఎందుకంటే నా చిత్రాలని బయట చూసినప్పటికీ మళ్ళీ థియేటర్స్ లో తప్పకుండా చూస్తారని అన్నారు.

మధ్యలో బాలయ్య ప్రసంగిస్తూ తెలుగు భాష ప్రస్తావన తీసుకువచ్చారు. తెలుగుని మనం రక్షించుకోవాలి. దేశభాషలందు తెలుగు లెస్స అనే పద్యం బాలయ్య చెప్పగానే అభిమానులంతా ఈలలు, కేకలు వేశారు.