ఇది నాకు మరపురాని సంవత్సరం: రానా
cinema | Suryaa Desk | Published : Sat, Dec 23, 2017, 11:48 AM
2017 తనకు మరపురాని సంవత్సరం అని పేర్కొన్నాడు నటుడు దగ్గుబాటి రానా. ఈ సంవత్సరం తనకు ఎన్నో తీపి అనుభవాలను ఇచ్చిందని ఆయన పేర్కొన్నాడు. ఈ మేరకు ఒక ట్వీట్ పెట్టాడు ఈ నటుడు.
‘ఈ ఏడాది ఐఎండీబీ టాప్ 10 లిస్టులో నేను నటించిన రెండు సినిమాలు స్థానం సంపాదించాయి. ఫోర్బ్స్ అత్యంత సంపాదనపరులైన 100 మంది జాబితాలో స్థానం దక్కింది. ఇక లైవ్ షో లు, ఏజెన్సీలు, టెలివిజన్, టెక్నాలజీ.. ఇలా ప్రతి విషయంలోనూ ఈ ఏడాది అద్భుతమే. ప్రతి విషయంలోనూ కృతజ్ఞుడినే. 2018 విషయంలో కూడా ఇదే విధంగా ప్రిపేర్ అవుతున్నా..’ అని రానా ట్వీట్ చేశాడు.
రానా నటించిన బాహుబలి-2, ఘాజీ సినిమాలు ఈ ఏడాది ఐఎండీబీ ఎంపిక చేసిన టాప్ 10 సినిమాల జాబితాలో స్థానం సంపాదించాయి. ఇక ఈ హీరో ఫోర్బ్స్ జాబితాలో 22 కోట్ల సంపాదనతో 36 వ స్థానంలో నిలిచాడు.
అలాగే నంబర్ వన్ యారీ అనే ఒక టీవీ షోకు కూడా హోస్టుగా వ్యవహరించాడు. వివిధ అవార్డుల ప్రోగ్రామ్స్ కు యాంకర్ గా వ్యవహరించాడు. ఇలా ఎలా చూసినా.. తనకు 2017 అద్భుతంగా నడిచిందని స్వయంగా చెబుతున్నాడు రానా. 2018లో ఒక మల్టీ లింగ్వల్ ప్రాజెక్టులో నటిస్తున్నాడు ఈ హీరో. ప్రభు సోలొమాన్ దర్శకత్వం వహించబోయే ఆ సినిమా హిందీ వెర్షన్ కు ‘హాథీ మేరీ సాథీ’ అని పేరు పెట్టారు. ఈరోస్ సంస్థ ఈ సినిమాను రూపొందిస్తోంది. తెలుగు,తమిళ, హిందీ భాషల్లో ఇది రాబోతోంది.
|
|