వేగాస్ లో పెళ్లి చేసుకోవాలని ఉందన్న ‘త్రిష’
cinema | Suryaa Desk | Published : Wed, Jan 22, 2020, 06:43 PM
ఇటీవల అభిమానులతో ఇన్స్టాగ్రామ్ ద్వారా ముచ్చటింంచింది నటి త్రిష. వారు అడిగిన పలు ప్రశ్నలకు ఆసక్తికరమైన సమాధానం ఇచ్చింది. భవిష్యత్తులో చేయాలనుకుంటున్న క్రేజీయెస్ట్ పని ఏదని ఓ అభిమాని అడగ్గా… వేగాస్లో పెళ్లిచేసుకోవాలనుందని త్రిష బదులిచ్చింది.. ప్రస్తుతం పెళ్లి గురించి ఆలోచించడం లేదని, సినిమాలకే ప్రాధాన్యతనిస్తున్నానని చెప్పింది. ప్రేమకథల్లో నటించడాన్ని ఎంజాయ్ చేస్తానని, థ్రిల్లర్ సినిమాలు చూడటమంటే ఇష్టమట. దేనికి భయపడకుండా నిర్భయంగా ఉండే తత్వం పుట్టుకతోనే తనకు అబ్బిందని పేర్కొంది. ఓటమి ఎదురైన ప్రతిసారి జీవితాన్ని నిలబెట్టిన గొప్ప విషయాల్ని మననం చేసుకోవడం చాలా ముఖ్యమని అప్పుడే సానుకూల దృక్పథంతో ఆలోచించే గుణం అలవడుతుందని చెప్పింది. యవ్వనంగా కనిపించడానికి జీన్స్తో పాటు క్రమశిక్షణ, జీవితంలో కొన్నింటిని త్యాగం చేయడం ఓ కారణమని చెప్పింది. కర్మసిద్ధాంతాన్ని తాను పూర్తిగా విశ్వసిస్తానని వెల్లడించింది.
|
|