మంచు విష్ణుకు ఈ సారి కొడుకు పుట్టాడు
cinema | Suryaa Desk | Published : Tue, Jan 02, 2018, 10:49 AM
సినీనటుడు మోహన్బాబు మరోసారి తాత అయ్యారు. కొత్త ఏడాది ఆయన కుటుంబానికి గొప్ప శుభవార్తను అందించింది. ఆయన కుమారుడు మంచు విష్ణు భార్య వెరోనికా పండంటి మగబిడ్డను ప్రసవించింది. ఈ విషయం గురించి విష్ణు ట్విట్టర్ ద్వారా తెలియజేశాడు. ఇట్స్ ఏ బాయ్ అంటూ ట్వీట్ చేశాడు. విష్ణు, విరోనికా దంపతులకు తొలి కాన్పులో కవల ఆడపిల్లలు పుట్టిన సంగతి తెలిసిందే. అంతకు కొద్ది గంటల ముందు ట్వీట్ చేస్తూ, తమ కుటుంబంలోకి కొత్త సభ్యుడిని ఆహ్వానించే సమయం వచ్చిందని, విన్నీని ఇప్పుడే ఆసుపత్రికి తీసుకు వచ్చామని, తన గుండె వేగంగా కొట్టుకుంటోందని అన్నారు. తన కుమార్తెలకు అరియానా, వివియానా అని పేర్లు పెట్టుకున్న విష్ణు, ఈ దఫా తనకు కొడుకు పుట్టినా, కూతురు పుట్టినా ఓ పేరు సిద్ధంగానే ఉంచుకున్నానని ఇప్పటికే వెల్లడించాడు
తనకు బాబు పుట్టిన విషయం ట్విట్టర్ ద్వారా తెలిపిన విష్ణుకు ప్రభాస్, నిర్మాత సుంకర అనిల్ ట్వీట్ చేస్తూ తమ శుభాకాంక్షలు తెలియజేస్తారు. ప్రభాస్ ట్వీట్ చేస్తూ ‘అభినందనలు సోదరా’ అంటూ సంతోషం వ్యక్తం చేశారు. కొత్త ఏడాది సందర్భంగా మోహన్బాబు, విష్ణు నటించి గాయత్రి చిత్రం పోస్టర్ విడుదలైంది. ఈ పోస్టర్లో భార్యకు సపర్యలు చేసే భర్తగా విష్ణు నటిస్తున్నాడు. చీరకట్టులో అచ్చ తెలుగు అమ్మాయిలా శ్రియ మెరిసిపోతోంది. నోటితో దువ్వెనను పట్టుకుని ఆమె జడను విష్ణు అల్లుతున్నాడు. గర్భం దాల్చిన తన భార్యకు సపర్యలు చేస్తున్నాడు. ఈ అందమైన జంటను పోస్టర్లో చూస్తుంటే ఎంతో ముచ్చటగా అనిపిస్తోంది.
|
|