మత్తుమందు కలిసిన కూల్డ్రింక్ను ఇవ్వబోయాడు : రష్మీ దేశాయ్
cinema | Suryaa Desk | Published : Wed, Mar 04, 2020, 03:29 PM
తనకు సినీ రంగంలో ఎదురైన క్యాస్టింగ్ కౌచ్ అనుభవాల గురించి సినీనటి రష్మీ దేశాయ్ పలు విషయాలు తెలిపింది. బుల్లితెర నుంచి సినీ పరిశ్రమలోకి అడుగుపెట్టిన కొత్తలో తాను వేధింపులు ఎదుర్కొన్నానని చెప్పింది. సూరజ్ అనే వ్యక్తి తనను వేధింపులకు గురి చేశాడని, ఈ విషయాన్ని తన తల్లికి చెప్పానని తెలిపింది. దీంతో ఆమె అతడి చెంప ఛెళ్లుమనిపించిందని చెప్పింది.
13 ఏళ్ల క్రితం తాను కెరీర్ ప్రారంభించానని వివరించింది. క్యాస్టింగ్ కౌచ్కు ఒప్పుకోకపోతే సినిమా అవకాశాలు రావని సూరజ్ అనే వ్యక్తి నాకు చెప్పాడని తెలిపింది. ఓ సారి అతడు తనకు ఫోన్ చేసి సినిమా అడిషన్లు ఉన్నాయని చెప్పాడని తెలిపింది.
అయితే, అక్కడికి వెళ్లాక అతడు అసత్యం చెప్పాడని తెలిసిందని వివరించింది. అప్పుడు సూరజ్ మత్తుమందు కలిసిన కూల్డ్రింక్ను ఇవ్వబోయాడని చెప్పింది. దీంతో తాను అక్కడి నుంచి తప్పించుకుని బయటపడ్డానని తెలిపింది. ఆ తర్వాత తన తల్లిని తీసుకుని సూరజ్ దగ్గరికి వెళ్లానని, అతడిని చెంపదెబ్బ కొట్టిందని వివరించింది.
|
|