మోహన్ బాబు పై నరేంద్ర మోదీ సంచనల కామెంట్స్ ...

మోహన్ బాబుకు చాలా మంది రాజకీయ నాయకులతో పరిచయాలు ఉన్నాయి. అందులో దేశ ప్రధానులు ఉన్నారు.. రాష్ట్రాల ముఖ్యమంత్రులు కూడా ఉన్నారు. అయినా కూడా ఈయనకు రాజకీయాలు కొత్తేం కాదు. పాతికేళ్ల కిందే ఆయన రాజ్యసభ సభ్యుడు. అప్పట్లో అన్న ఎన్టీఆర్‌తో ఉన్న పరిచయంతో ఆయన కూడా రాజకీయాల్లోకి వచ్చాడు. ఎంపిగా ఉన్నాడు.. ఆ తర్వాత ఎందుకో తెలియదు కానీ ఎన్టీఆర్ చనిపోయిన తర్వాత పూర్తిగా రాజకీయాలకు దూరం అయిపోయాడు మోహన్ బాబు. సినిమాలకు తోడు విద్యావేత్తగా బిజీ అయిపోయాడు. స్కూల్స్, కాలేజీలు అంటూ అక్కడే ఉండిపోయాడు మోహన్ బాబు.రాజకీయాల్లోకి వెళ్లే అవకాశం ఉన్నా కూడా వదులుకుని సినిమాలతో బిజీ అయిపోయాడు కలెక్షన్ కింగ్. అయితే ఇన్నేళ్ల తర్వాత మళ్లీ ఈయన మనసులో రాజకీయాల వైపు ఆలోచనలు మొదలయ్యాయి. తాజాగా ఇచ్చిన ఇంటర్వ్యూలో చాలా విషయాలు మాట్లాడాడు మోహన్ బాబు. కరోనా గురించి మాట్లాడుతూ కలిసుంటే కలదు సుఖం అంటారు కానీ ఇప్పుడు విడిగా ఉంటేనే సుఖం అని చెప్పాడు ఈయన. దాంతో పాటు దేశ, రాష్ట్ర రాజకీయాల గురించి చర్చించాడు ఈయన. ప్రస్తుతం పాలిటిక్స్ ఫాలో అవుతున్నానని చెప్పాడు.తనకు జగన్‌ను ముఖ్యమంత్రిగా చూడాలని ఆశ ఉండేదని.. చూసానని.. హ్యాపీగా ఉన్నానని చెప్పాడు మోహన్ బాబు. ఇక తనకు ప్రధాని మోదీ కూడా మంచి స్నేహితుడే అని.. ఆయన చేస్తున్న పనులు చూస్తుంటే దేశం ముందుకెళ్తుందనే నమ్మకం ఉందని చెప్పాడు. ఆయన చేస్తున్న సేవకు పాదాభివందనం చేస్తానని చెప్పాడు మోహన్ బాబు. అంతేకాదు.. ఆయన తనను బడే భాయ్ అని పిలుస్తాడని చెప్పాడు. నేను వయసులో మీకంటే చిన్నోడిని అంటే కూడా అలాంటిదేం లేదు మీరు నాకు బడే భాయ్ అంతే అంటూ ఆట పట్టిస్తాడని చెప్పాడు మోహన్ బాబు.తాను అప్పాయింట్‌మెంట్ అడిగినపుడు మోదీ బిజీగా ఉన్నాడని.. తర్వాత ఆయన పిలిచినపుడు తాను బిజీగా ఉన్నానని.. అయినా కూడా గుర్తు పెట్టుకుని వారం రోజుల్లో తనను కలవమని కబురు పెట్టాడని చెప్పాడు మోహన్ బాబు. తనకు ప్రత్యక్ష రాజకీయాల్లోకి వచ్చే ఆలోచన అయితే ఉందని చెప్పాడు. అయితే అది జగన్ పార్టీలోకి వెళ్లడమా లేదంటే నరేంద్ర మోదీ వెంట నడవడమా అనేది ప్రస్తుతానికి చెప్పనంటున్నాడు. కానీ ఇద్దరూ తనకు బాగా కావాల్సిన వాళ్లే.. ఇద్దరి అధినాయకత్వం తనకు బాగా నచ్చిందని చెప్పాడు ఈయన. ఏదేమైనా కూడా త్వరలోనే మోహన్ బాబు మళ్లీ ప్రత్యక్ష రాజకీయాల్లోకి వస్తాడు.