ఆడవారి మాటలకి అర్థాలేవేరులే కి @ 13ఏళ్లు.
cinema | Suryaa Desk | Published : Mon, Apr 27, 2020, 03:08 PM
కుటుంబ కథా చిత్రాలతో బ్లాక్బస్టర్ హిట్స్ కొట్టిన విక్టరీ వెంకటేష్ నటించిన చిత్రాలు అన్ని విశేషాదరణ పొందాయి. విక్టరి కెరీర్ లో టాప్ 10 చిత్రాలంటే వాటిలో ఖచ్చితంగా ‘ఆడవారిమాటలకు… అర్థాలేవేరులే!’ ఒకటి. ఫ్యామిలీ డ్రామాగా తెరకెక్కిన ఈ చిత్రంలో వెంకటేష్, త్రిష ల మద్య వచ్చే లవ్ సీన్స్ చాలా ప్రాముఖ్యత కలిగివుంటాయి. మెచ్యుర్డ్ పీపుల్స్ మద్య ప్రేమ ని చూపించారు. అలాగే హీరో త్రండ్రి గా కొటా శ్రీనివాసరావు పాత్ర చిరకాలం నిలిచిపోతుంది. కొడుకు ప్రేమకొసం అవమాన పడ్డ తండ్రి పాత్రలో ఆయనకి ఆయనే సాటి అని చెప్పవచ్చు.. అలాగ్ వెంకటేష్, కొటా శ్రీనివాసరావు ల మద్య వచ్చే ప్రతి సన్నివేశాలు కామెడిగా వుంటూనే చక్కటి ఎమోషనల్ కనెక్టవిటి కలిగి వుంటాయి. సాంప్రదాయాలకి విలువనిచ్చే కుటుంబ పెద్దగా కె.విశ్వనాథ్, సునీల్, జీవా, కలర్స్ స్వాతి, రాజ్యలక్ష్మి, ప్రసాద్ బాబు తదితరులు నటించారు.సెల్వరాఘవన్ దర్శకత్వం వహించిన ఈ చిత్రాన్ని ఎన్.వి.ప్రసాద్, శానం నాగ అశోక్ కుమార్ సంయుక్తంగా నిర్మించారు. అల్లంత దూరాన ఆ తారక కల్ళేదుట నిలిచిందా ఈ తీరుగా అరుదైన చిన్నారిగా అంటూ యువత హ్రుదయాలన్ని దొచుకునే సాంగ్స్ అందించారు యువన్ శంకర్ రాజా స్వరకల్పనలో రూపుదిద్దుకున్న పాటలన్నీ చార్ట్బస్టర్స్గా నిలిచాయి. 2007 ఏప్రిల్ 27న విడుదలైన ఈ చిత్రం… నేటితో 13 వసంతాలను పూర్తి చేసుకుంటోంది.
|
|