ట్రెండింగ్
'భారతీయుడు సీక్వెల్ 'లో యువ కథానాయిక
cinema | Suryaa Desk | Published : Mon, Jun 29, 2020, 05:41 PM
అప్పట్లో ప్రముఖ దర్శకుడు శంకర్ దర్శకత్వంలో తెరకెక్కి బ్లాక్ బస్టర్ హిట్ కొట్టిన చిత్రం ‘భారతీయుడు’..అవినీతికి లంచగొండితనానికి వ్యతిరేకంగా భారతీయుడు చేసిన పోరాటం ప్రజలను ఎంతగానో మెప్పించింది. ప్రముఖ నటుడు కమల్ హాసన్ ద్విపాత్రాభినయంతో ప్రేక్షకులను బాగా ఆకట్టుకుని ఘన విజయం సాధించింది. ఈ నేపధ్యంంలో ఈ చిత్రానికి సీక్వెల్ చేసేందుకు మరోసారి కమల్, శంకర్ ముందుకొచ్చారు. రూ.200 కోట్ల భారీ బడ్జెట్తో ఈ సినిమాను తమిళం, హిందీ, తెలుగుతో పాటు ఇతర భాషల్లో తెరకెక్కిస్తున్నారు.ఇందులో కాజల్ అగర్వాల్ ప్రధాన హీరోయిన్ గా నటిస్తుండగా, తాజాగా శ్రుతి శర్మను మరో హీరోయిన్ గా తీసుకున్నారట. ఆమధ్య తెలుగులో వచ్చిన 'ఏజంట్ సాయి శ్రీనివాస ఆత్రేయ' చిత్రంలో శ్రుతి కథానాయికగా నటించింది.
|
|