మైఖేల్ కొర్సలే కారులోకి ఎక్కగానే గట్టిగా వాటేసుకుంది
cinema | Suryaa Desk | Published : Thu, Jul 27, 2017, 04:07 PM
ఆ మధ్య బ్రిటన్ వెళ్లి బాయ్ ఫ్రెండ్ తో మీట్ అయ్యి వార్తల్లోకి వచ్చింది శ్రుతిహాసన్. ఈ అమ్మడు ఒక విదేశీ బాయ్ ఫ్రెండ్ ను సంపాదించిందని, అతడు లండన్ లో ఉంటాడని, వీరిద్దరూ బాగా క్లోజ్ అయిపోయారని.. వీరి ప్రేమకు కమల్ ఆశీస్సులు కూడా ఉన్నాయని కొన్నాళ్ల కిందట వార్తలు వచ్చాయి. అయితే తన ప్రేమ కథ గురించి శ్రుతి హాసన్ ధ్రువీకరించలేదు. దాని గురించి ఈమె మాట్లాడనే లేదు. ఇప్పుడు ఆసక్తికరమైన విషయం ఏమిటంటే.. శ్రుతి విదేశీ బాయ్ ఫ్రెండ్ ఇండియాకు వచ్చాడు. మైఖేల్ కొర్సలే అనే అతడు ఇటాలియన్. లండన్ లో ఉంటాడు. బుధవారం రాత్రి తను లండన్ నుంచి ముంబైలో దిగాడు.
అతడిని రిసీవ్ చేసుకోవడానికి శ్రుతిహాసన్ స్వయంగా వెళ్లింది. మీడియా కంట పడింది. ఈ విషయాన్ని ‘ముంబై మిర్రర్’ రిపోర్ట్ చేసింది. బుధవారం మైఖేల్ లండన్ నుంచి వచ్చాడని, అతడిని శ్రుతి వెంట తీసుకెళ్లిందని ఆ పత్రిక ప్రత్యేక కథనం రాసింది. ప్రస్తుతం శ్రుతి తన తండ్రి సినిమా ‘శభాష్ నాయుడు’ షూటింగ్ కోసం ముంబైలో ఉంది.
మరి విరామానంతరం ప్రియుడిని చూడగానే శ్రుతి కంట్రోల్ చేసుకోలేకపోయినట్టుంది. అతడు కారులోకి ఎక్కగానే గట్టిగా వాటేసుకుంది. ఈ సన్నివేశం కూడా మీడియా కంట పడింది, కెమెరాలు క్లిక్ మన్నాయి. ఒక సౌత్ హీరోతో బ్రేకప్ తర్వాత శ్రుతిహాసన్ చాలా కాలం పాటు సోలోగా గడిపేసింది. ఇప్పుడు మాత్రం ప్రియుడితో విలువైన సమయాన్ని గడుపుతున్నట్టుగా ఉంది.
|
|