డ్రగ్స్ కేసులో సెంట్రల్ జైలుకు హీరోయిన్
cinema | Suryaa Desk | Published : Tue, Sep 15, 2020, 04:20 PM
శాండల్వుడ్ ని డ్రగ్స్ వ్యవహారం కలవర పెడుతుంది. ఈ కేసులో ఇప్పటికే ప్రముఖ హీరోయిన్లు రాగిణి ద్వివేది..సంజనా గల్రానీలు అరెస్ట్ అయిన సంగతి తెలిసిందే. అయితే నటి రాగిణి ద్వివేదీకి కోర్టు 14 రోజుల జ్యుడీషియల్ రిమాండ్ విధించింది. దీంతో ఆమెను బెంగళూరులోని పరప్పన అగ్రహార సెంట్రల్ జైలుకు తరలించారు. మరో నటి సంజన గల్రాని, రాహుల్, ప్రశాంత్ రంకా, లూమ్ పెప్పర్, నియాజ్లను వీడియో కాన్ఫరెన్స్లో కోర్టులో హాజరు పరిచారు. సంజనకు తప్ప మిగిలిన వారికి 14 రోజుల రిమాండ్ విధించారు.
ఇకపోతే నటి సంజనకు ఈనెల 16 వరకు సీసీబీ కస్టడీని పొడిగించారు. సంజనను మరింతగా ప్రశ్నించాల్సి ఉన్నందున కస్టడీని పొడిగించినట్లు సీసీబీ పోలీసులు తెలిపారు. కన్నడ సినీ పరిశ్రమలో దాదాపు 15 మందికి డ్రగ్స్ వ్యవహారంతో సంబంధాలు ఉన్నట్లు ఆరోపణలు వెల్లువెత్తుతున్నాయి. ఇకపోతే హరియానాలోని రేవారి కుటుంబానికి చెందిన రాగిని బెంగళూరులో జన్మించారు. ఆమె 2009లో 'వీర మదకారి' చిత్రంలో సినిమా రంగంలో అడుగుపెట్టారు. ఆ తర్వాత కెంపే గౌడ, రాగిణి ఐపీఎస్, బంగారి, శివ చిత్రాల్లో నటించి మంచి పేరు తెచ్చుకున్నారు.
|
|