నెటిజన్ పై అనసూయ ఫైర్..
cinema | Suryaa Desk | Published : Mon, Feb 08, 2021, 04:56 PM
ఓ నెటిజన్ పై ప్రముఖ యాంకర్, నటి అనసూయ సీరియస్ అయ్యారు. దాదాపు మూడేళ్ల క్రితం అనసూయ ఓ షోలో యాంకరింగ్ చేస్తూ కళ్లు తిరిగి పడిపోయింది. దానికి సంబంధించిన ఫొటోలను ఓ నెటిజన్ ట్విట్టర్ లో పోస్ట్ చేస్తూ.. ఈ షో పబ్లిసిటీ కోసమే అనసూయ అలా కళ్లు తిరిగిపడిపోయినట్లు నటించిందని అసభ్యకరంగా కామెంట్ చేశాడు.
దాన్ని చూసిన అనసూయ.. అసభ్యపదజాలం వాడుతూ అతడిని తిడుతూ పోస్ట్ చేసింది. ఇటువంటి కామెంట్ చేయడం చాలా తేలిక అని, తనకు లోబీపీ ఉందని, అప్పట్లో తాను 22 గంటల పాటు నిర్విరామంగా షూట్ లో పాల్గొన్నానని చెప్పింది. తెల్లవారుజామున 5.30 గంటలకు ఆ ఘటన జరిగిందని వివరించింది. దానిని వేరేలా అర్థం చేసుకుంటున్నారని, ఏం జరిగిందో పూర్తిగా తెలియకుండానే ఎలా కామెంట్ చేస్తావు? అంటూ ఆ నెటిజన్ ను అనసూయ నిలదీసింది.
తనను అసభ్యంగా దూషించాలనే ఉద్దేశంతోనే మూడేళ్ల క్రితం వీడియో చూసి ఇలా కామెంట్ చేస్తున్నావా? అని ప్రశ్నించింది. తాను కూడా ఎలాంటి సిగ్గు, భయం లేకుండా తిట్టగలనని, కానీ.. తనను తన తల్లిదండ్రులు అలా పెంచలేదని చెప్పుకొచ్చింది.
|
|