నయనతార కోకో మోషన్ పోస్టర్ విడుదల
cinema | Suryaa Desk | Published : Tue, Mar 06, 2018, 12:03 PM
లేడి సూపర్ స్టార్ నయనతార వరుస సినిమాలతో బిజీ బిజీగా ఉన్న సంగతి తెలిసిందే. తెలుగు, తమిళంలో వరుస ప్రాజెక్టులు చేస్తూ అందరికి షాక్ ఇస్తుంది నయన్. ఇటీవల బాలయ్య సరసన జై సింహా అనే చిత్రంలో నటించిన నయనతార త్వరలో సైరా టీంతో కలవనుంది. అయితే ప్రస్తుతం నెల్సన్ దిలీప్ కుమార్ దర్శకత్వంలో కోకో( కోలమావు కోకిల) అనే సినిమా చేస్తుంది. లైకా ప్రొడక్షన్ బేనర్పై నిర్మితమవుతున్న ఈ చిత్ర ఫస్ట్ లుక్తో పాటు మోషన్ పోస్టర్ని కొద్ది సేపటి క్రితం విడుదల చేశారు. బ్లాక్ కామెడీ కథా చిత్రంగా తెరకెక్కనున్న ఇందులో నటుడు యోగిబాబు ప్రధాన పాత్రను పోషిస్తున్నారు. ఈ చిత్రానికి అనిరుధ్ సంగీతాన్ని అందిస్తున్నారు. నయనతార చిత్రానికి ఈయన బాణీలు కట్టడం ఇదే తొలిసారి . లేడి ఓరియెంటెడ్ చిత్రంగా తెరకెక్కుతున్న ఈ మూవీ ప్రేక్షకులని తప్పక అలరిస్తుందని యూనిట్ చెబుతుంది. చిత్ర శాటిలైట్ రైట్స్, డిజిటల్ స్ట్రీమింగ్ రైట్స్ తో పాటు ఆడియో రైట్స్ ని భారీ రేటుతో జీ నెట్ వర్క్ దక్కించుకోవడం విశేషం.
|
|