ట్రెండింగ్
సినీ ఇండస్ట్రీ కి పెద్ద దిక్కుగా నేను ఉండను: చిరంజీవి
cinema | Suryaa Desk | Published : Sun, Jan 02, 2022, 08:31 PM
సినీ ఇండస్ట్రీ కి పెద్ద దిక్కుగా నేను ఉండను అంటూ హీరో చిరంజీవి సంచలన వ్యాఖ్యలు చేశారు. ఆ పదవి నాకు వద్దు అని స్పష్టం చేసారు. "నేను పెద్దగా ఉండను.. ఉండను.. అవసరమైనప్పుడు అండగా ఉంటాను.. అవసరమైనప్పుడు సినీ కార్మికులను చూసుకుంటాను.." అని తన మనసులోని మాటను స్పష్టంగా చెప్పారు చిరంజీవి. ఇద్దరం గొడవపడితే అలాంటి పంచాయితీలకు తాను ముందుకు రానని స్పష్టం చేశారు. కానీ, సినీ కార్మికులకు ఎలాంటి సమస్య వచ్చినా ముందుంటానని, వారి కోసం ఏదో ఒకటి చేస్తూనే ఉంటానని వెల్లడించారు. హైదరాబాద్లో జూబ్లీహిల్స్లో చిరంజీవి ఛారిటబుల్ ట్రస్ట్ ఆధ్వర్యంలో సినీ పరిశ్రమలోని అన్ని విభాగాల వారికి 50 శాతం రాయితీతో హెల్త్ కార్డుల పంపిణీ ఆదివారం జరిగింది. ఈ కార్యక్రమానికి ముఖ్య అతిథిగా చిరంజీవి హాజరయ్యారు ఆ కార్యక్రమంలో అయన ఈ వ్యాఖ్యలు చేసారు.
|
|