పెళ్లి భాజాలు మోగించనున్న ఏ ఆర్ రెహమాన్
cinema | Suryaa Desk | Published : Mon, Jan 03, 2022, 01:26 PM
ప్రముఖ సినిమా మ్యూజికల్ డైరెక్టర్,ఆస్కార్ అవార్డు గ్రహీత ఏఆర్ రహమాన్ ప్రేవు తెలియని సినీ ప్రియులు ఉండి ఉండరు. ఐతే ఏఆర్ రెహమాన్ కు ఇద్దరు కూతుర్లు. తన పెద్ద కూతురు ఐన ఖతీజా రహమాన్ కు పెళ్లి ఫిక్స్ అయ్యింది. ఇటీవలే ఆమె ఎంగేజ్మెంట్ ను కూడా రహమాన్ వైభవంగా నిర్వహించినట్లుగా తెలుస్తోంది.ఇక పెళ్లి ఎప్పుడు అనే విషయాలపై తమిళ మీడియాలో భిన్న కథనాలు వస్తున్నాయి. ఖతీజా రహమాన్ స్వయంగా తన ఎంగేజ్ మెంట్ విషయాన్ని సోషల్ మీడియా ద్వారా తెలియ చేసారు. తనకు కాబోయే వ్యక్తి ఫొటోను కూడా షేర్ చేసి తన సంతోషాన్ని వ్యక్త పరిచింది. ఖతీజా రెహమాన్ కు కాబోయే భర్త పేరు రియా సిద్దీన్ షేక్ మహమ్మద్ గా తెలిసింది. ఇతడు తమిళనాడుకు చెందిన ప్రముఖ వ్యాపారవేత్త తనయుడిగా చెప్తున్నారు. ప్రస్తుతం ఈయన కూడా యువ వ్యాపారవేత్తగా చెన్నై లో మంచి గుర్తింపు ఉన్నట్లుగా తెలుస్తోంది. మొత్తానికి రహమాన్ ఇంట పెళ్లి భాజాలు మోగ బోతున్నాయి. అందుకు సంబంధించిన ఏర్పాట్లు చకచక జరుగుతున్నాయి. పెద్ద ఎత్తున వివాహ వేడుక నిర్వహించేందుకు గాను రహమాన్ ఏర్పాట్లు చేస్తున్నాడు. ఈ కార్యక్రమానికి ఎంతో మంది అతిరధ మహానుభావులు , ప్రఖ్యాత ప్రముఖులు హాజరు అయ్యే అవకాశాలు ఉన్నాయి.
|
|