నిర్మాతను ఇబ్బంది పెడుతున్న RRR
cinema | Suryaa Desk | Published : Thu, Jan 06, 2022, 01:24 PM
D.V.V. దానయ్య నిర్మిస్తున్న ప్రతిష్టాత్మక చిత్రం RRR. ఐతే ఈ సినిమా వాయిదా పడడం అందరినీ షాక్ లో ముంచెత్తింది. కరోనా కారణంగా ఈ సినిమా సంక్రాంతికి రావలసిన సినిమా ఆగిపోవడం అభిమానులను నిరాశ పరచడమే కాకుండా థియేటర్ యజమానులకు మరియు డిస్ట్రిబ్యూటర్ వాళ్లకు పెద్ద సమస్య గా మారిపోయింది. ఈ సినిమాని వాయిదా వేయడంతో పంపిణీదారులు అసంతృప్తితో ఉన్నారు. వీరంతా ఇప్పుడు నిర్మాత డివివి దానయ్యపై తీవ్రమైన ఒత్తిడిని తీసుకొస్తున్నట్టు ఇండ్రస్ట్రీ వర్గాల టాక్. యేడాది క్రితమే.. బయ్యర్లు అడ్వాన్సులు ఇచ్చేశారు. అప్పటి నుంచీ ఈసినిమా వాయిదా పడుతూ వస్తోంది. పెద్ద సినిమా కదా, ఎప్పుడొచ్చినా లాభాలు సంపాదించొచ్చు అని బయ్యర్లు ధీమాగా ఉండేవారు. కానీ వాయిదాల పరంపర ఇలానే కొనసాగడంతో `మాకు మీ సినిమా వద్దు.. మా డబ్బులు వడ్డీతో సహా తిరిగి ఇచ్చేయండి` అని కొంతమంది నిర్మాత దానయ్యపై ఒత్తిడి తీసుకొస్తున్నార్ట. ఇప్పటికే చాలా రేట్లు పెట్టి సినిమాని కొన్నామని, వాటికి వడ్డీలు కట్టలేక మునిగిపోతున్నామని, అందుకే ఈ సినిమాని వదిలించుకోవాలని చూస్తున్నారని టాక్ వినిపిస్తోంది.
|
|