కృతి సనన్ ఫొటో షూట్ వివాదం
cinema | Suryaa Desk | Published : Fri, Aug 10, 2018, 03:07 PM
టాలీవుడ్లో మహేష్ బాబు, నాగ చైతన్యకి జోడీగా నటించి.. ఆ తర్వాత బాలీవుడ్కి చెక్కేసిన కృతి సనన్ ఇప్పుడు జంతు ప్రేమికుల నుంచి తీవ్ర స్థాయిలో విమర్శలను ఎదుర్కొంటోంది. ఇటీవల ఓ మ్యాగజైన్ కవర్ పేజీ కోసం కృతి సనన్ హాట్ పోజిచ్చింది. కానీ.. కృతి పోజు వెనుక ఓ జిరాఫీ బొమ్మని వేలాడదీసి ఉండటంతో జంతు ప్రేమికులు, అభిమానులు ఈ ముద్దుగుమ్మని ట్రోల్ చేస్తూ విమర్శలు గుప్పిస్తున్నారు. మ్యాగజైన్ సంస్థ తాజాగా కృతి సనన్ ఫొటోలని ఇన్స్టాగ్రామ్లో పోస్టు చేసింది. ‘తొందరగా నేను కోపం తెచ్చుకోను. కానీ.. మహిళలపై జరిగిన దురాగతాల గురించి చదివినప్పుడు మాత్రం కలత చెందుతాను’ అని సదరు సంస్థ రాసుకొచ్చింది. కానీ.. మహిళల వేధింపుల గురించి మీరు చెప్తున్నప్పుడు.. జంతువుల్ని హింసిస్తున్నట్లు ఫొటోలో ఎలా చూపిస్తారు..? అంటూ నెటిజన్లు ఫైర్ అవుతున్నారు. మ్యాగజైన్ సంస్థతో పాటు కృతి సనన్కి కూడా వారు చురకలు అంటిస్తూ.. కాస్త పరిణతితో ఆలోచించాలని సూచిస్తున్నారు.
|
|