పోలీసుల చేతికి చిక్కిన వివాదాస్పద బాలీవుడ్ క్రిటిక్
cinema | Suryaa Desk | Published : Tue, Aug 30, 2022, 04:13 PM
కమల్ ఆర్ ఖాన్... పూర్తి పేరు కమాల్ రషీద్ ఖాన్. ఈయన బాలీవుడ్ నటుడు, నిర్మాత, రచయిత. ఈయన తన సినీ కెరీర్లో కేవలం ఒకే ఒక్క సినిమాలో హీరోగా నటించాడు. అది కూడా తన సొంత సినిమా దేశ్ ద్రోహి. బాలీవుడ్ సినీ చరిత్రలో ఈ సినిమా ఒక డిజాస్టర్ గా మిగిలిపోయింది. కమల్ సినిమాల్లో కనిపించేది చాలా తక్కువ, వివాదాస్పద రివ్యూ లతో బాగా ఫేమస్. అయితే ఇతని రివ్యూలను ఎవరూ పెద్దగా పట్టించుకోరు.
ఐతే 2020లో కమల్ చేసిన కొన్ని వివాదాస్పద ట్వీట్లు ఆయన్ను పోలీసుల చేతికి చిక్కేలా చేసాయి. కొంతమంది ప్రముఖులను తీసుకెళ్లేంత వరకు కోవిడ్ పోదని, వారెవరో తనకు తెలుసంటూ కమల్ చేసిన వైరల్ ట్వీట్ రెండేళ్లకు ఆయన్ను జైలు మెట్లు ఎక్కించింది. పోతే, ఈ రోజు ఉదయం పదకొండు గంటలకు ముంబైలోని బోరివలి కోర్టు లో కమల్ హాజరయ్యారు. ప్రముఖ మహారాష్ట్ర రాజకీయపార్టీ శివ సేన యొక్క యువసేన విభాగపు అధినేత రాహుల్ కమల్ పై కేసు పెట్టడం వల్లనే ఆయన అరెస్ట్ అయ్యారు. దీంతో కొంతమంది నెటిజన్లు, బాలీవుడ్ జనాలు ఫుల్ ఖుషి అవుతున్నారు.
|
|