`లక్స్ గోల్డ్ రోజ్ అవార్డ్స్ కార్యక్రమంలో ప్రత్యేక ఆకర్షణగా జాన్వీ
cinema | Suryaa Desk | Published : Tue, Nov 20, 2018, 09:25 AM
ధడక్ సినిమాతో తెరంగేట్రం చేసింది మొదలు జాన్వీ పవనాలు లోకాన్ని చుట్టేస్తున్నాయి. జాన్వీ ఎక్కడ ఉంటే అక్కడ బోయ్స్ లో ఒకటే టెన్షన్ టెన్షన్. పబ్బు - క్లబ్బు - జిమ్ము - మార్కెట్ ఏ చోటికి వెళ్లినా అక్కడ జాన్వీ పైనే కళ్లన్నీ. గుండెల్లోకి వైరస్ లా చొచ్చుకుపోతోంది ఈ చిన్నది. మామ్ శ్రీదేవి ఇహలోకంలో లేకపోయినా స్వర్గం నుంచి కూతురు హవాని చూస్తోంది.
సోమవారం నాడు `లక్స్ గోల్డ్ రోజ్ అవార్డ్స్ -2018` కార్యక్రమంలో జాన్వీ తళుకులు ప్రత్యేక ఆకర్షణగా నిలిచాయి. అందానికి అందం - హొయలు ప్రదర్శించిన ఈ ముద్దుగుమ్మ సెంటారాఫ్ ఎట్రాక్షన్ అయ్యిందంటే అతిశయోక్తి కాదు. ఒకటో సినిమా రిలీజ్ తర్వాత కరణ్ జోహార్ తక్త్ చిత్రంలో అవకాశం ఇస్తున్నానని ప్రకటించారు. అటుపై ఈ భామ క్యూలో స్టార్ హీరోలే వచ్చి చేరుతున్నారు. ఓవైపు రణవీర్ సింగ్ తో భారీ హిస్టారికల్ చిత్రంలో అవకాశం అందుకుంది. తొందర్లోనే టాలీవుడ్ లోనూ ఈ భామ ఎంట్రీ ఇవ్వబోతోంది. ప్రతిష్ఠాత్మక ఆర్.ఆర్.ఆర్ కథానాయికల జాబితాలో ఈ అమ్మడి పేరు ప్రముఖంగా వినిపిస్తోంది. అందుకే ఇదిగో ఇలా ఆ రేంజులో వయ్యారాల వడ్డనలతో విరుచుకుపడింది జాన్వీ.
ఈ ఫోటోలు ఇలా సామాజిక మాధ్యమాల్లోకి వచ్చాయో లేదో జార్జియస్.. బ్యూటిఫుల్.. స్టన్నింగ్ అంటూ అభిమానులు పిచ్చెక్కి కామెంట్లు పోస్ట్ చేస్తున్నారు. ట్విట్టర్ - ఇన్ స్టాలోనూ జాన్వీకి అసాధారణమైన ఫాలోయింగ్ పెరుగుతోంది. జాన్వీ ఈ దూకుడును ఇలానే కొనసాగిస్తే టాలీవుడ్ లో మునుముందు మరో అతిలోక సుందరిగా చెలరేగిపోయే ఛాన్సుంటుందేమో!
|
|