'ఒక్కడై రావడం.. ఒక్కడై పోవడం' పాట లిరిక్స్
cinema | Suryaa Desk | Published : Tue, Dec 27, 2022, 02:00 PM
ఒక్కడై రావడం.. ఒక్కడై పోవడం..
నడుమ ఈ నాటకం.. విధి ఏలా
వెంట ఏ బంధము., రక్త సంబంధము...
తోడుగా రాదుగా తుది వేళా
మరణమనేది ఖాయమని... మిగిలెను కీర్తి కాయమని..
నీ బరువూ.. నీ పరువూ.. మోసేదీ... ఆ నలుగురూ.. ఆ నలుగురూ.. (2)
రాజనీ పేదనీ.. మంచనీ చెడ్డనీ
భేదమే ఎరుగదీ యమపాశం
కోట్ల ఐశ్వర్యము కటిక దారిద్య్రమూ
హద్దులే చెరిపేలే మరుభూమి
మూటలలోని మూలధనం
చెయ్యదు నేడు సహగమనం
మనవెంటా తడికంటా నడిచేదీ
ఆ నలుగురూ.. ఆ నలుగురూ.. (2)
నలుగురు మెచ్చినా.. నలుగురూ తిట్టినా... విలువలే శిలువగా మోసావు..
అందరూ సుఖపడే.. సంగమే కోరుతూ..
మందిలో మార్గమే వేసావు....
బ్రతికిన నాడు బాసటగా.. పోయిన నాడు ఊరటగా
అభిమానం అనురాగం చాటేదీ
ఆ నలుగురూ.. ఆ నలుగూరూ.. (2)
పోయిరా నేస్తమా.. పోయిరా ప్రియతమా...
నీవు మా గుండెలో నిలిచావు...
ఆత్మయే నిత్యము.. జీవితం సత్యము..
చేతలే నిలుచురా చిరకాలం..
నలుగురు నేడు పదుగురిగా
పదుగురు వేలు వందలుగా
నీ వెనకే అనుచరులై నడిచారు. ఆ నలుగురూ.. ఆ నలుగురూ.. (2)
|
|