నా తమ్ముడు మిస్సయ్యాడు!

ఆర్ ఎక్స్ 100 విజయంలో  కథానాయిక పాయల్ పాత్ర విస్మరించలేనిది. ప్రస్తుతం ఈ భామ పంజాబీ పరిశ్రమ సహా టాలీవుడ్ లోనూ దూసుకుపోతోంది. వరసగా ఒక్కో  సినిమాని ఆచితూచి ఎంచుకుంటోంది. గ్లామర్ ప్రపంచంలో తనని తాను పెద్ద స్టార్ గా మలుచుకునేందుకు పాయల్ చేయని ప్రయత్నం లేదు. రెగ్యులర్ గా ఈ బ్యూటీ సామాజిక మాధ్యమాల్లో ఫోటోల్ని పోస్ట్ చేస్తూ ఫ్యాన్స్ లో వేడి పెంచుతూనే ఉంది. ఇతర నాయికలతో పోలిస్తే పాయల్ లోని ఎక్స్ ట్రా ఎనర్జీ గురించి అందరూ మాట్లాడుకుంటారు. అంత ఎనర్జీ ఉన్న ఈ భామ జీవితంలో కలతలు ఉన్నాయి. ఆ సంగతిని తనే స్వయంగా వెల్లడించింది. రియల్ లైఫ్ లో తాను ఎంతగానో ప్రేమించే తన తమ్ముడు (బ్రదర్)ని మిస్ చేసుకుందిట. నేడు అతడి బర్త్ డే సందర్భంగా పుట్టినరోజు శుభాకాంక్షలు చెప్పి ఎక్కడ ఉన్నా జీవితాంతం ఆరోగ్యంగా ఉండాలని కోరుకుంది. పాయల్ ఎంతో ఆవేదనతో సామాజిక మాధ్యమంలో రాసుకున్న లేఖ వివరమిది.  27 మార్చి 2016.. ముంబైలో నా తమ్ముడు మిస్సయ్యాడు. ఇప్పటికే మూడేళ్లయ్యింది. నిన్ను తలవనిదే ఒక్క రోజు కూడా గడవదు. నిన్ను మళ్లీ చూస్తాననే అనుకుంటున్నా. ఈరోజు నీ పుట్టినరోజు.. దేవుడు నీకు మంచి ఆరోగ్యకరమైన జీవితాన్ని ఇవ్వాలి.. భాయ్ ఇంటికి వచ్చెయ్.. అమ్మా నాన్న నీకోసం ఎంతో ఆత్రుతగా ఎదురు చూస్తున్నారు. వాళ్లిద్దరూ నిన్ను ఎంతగానో మిస్సవుతున్నారు. అందరినీ కన్నీళ్లలో ముంచెత్తావు. ప్రతిరోజూ నీకోసం కన్నీరు కారుస్తూనే ఉన్నారు. ఎక్కడైనా చిక్కుకుపోయి ఉంటే ఒక్కసారి ఫోన్ చెయ్ చాలు. మేం నీకోసం వేచి చూస్తూనే ఉన్నాంౠౠ అని ఆవేదన వ్యక్తం చేసింది. ఇక ఇప్పటికే తన తమ్ముడు తప్పిపోయాడని ముంబై పోలీసులకు ఫిర్యాదు చేశారు. కానీ ప్రయోజనం లేదట. సోదరుడి కోసం ఆ అక్క  సెర్చ్ ఫలించాలని ఆకాంక్షిద్దాం.