నాటు నాటు ఆస్కార్ విజయంపై పవన్ అప్రిసియేషన్ నోట్
cinema | Suryaa Desk | Published : Mon, Mar 13, 2023, 03:22 PM
భారతీయులు గర్విస్తున్న క్షణాలివి .. అంటూ నాటు నాటు ఆస్కార్ విజయంపై పవర్ స్టార్ పవన్ కళ్యాణ్ గారు ప్రత్యేకమైన ప్రెస్ నోట్ ను విడుదల చేసారు. 95వ అకాడెమి అవార్డులలో సత్తా చాటి, భారతీయులందరూ గర్వపడేలా ఆస్కార్ వేదికపై పురస్కారాన్ని స్వీకరించిన నాటు నాటు పాట స్వరకర్త ఎం ఎం కీరవాణి, లిరిసిస్ట్ చంద్రబోస్ లకు పవన్ హృదయపూర్వక అభినందనలు తెలిపారు. ఈ వార్త చూడగానే తనకెంతో సంతోషం కలిగిందని పవన్ తెలిపారు. ఆస్కార్ వేదికపై నాటు నాటు గీత ప్రదర్శనతో పాటు అవార్డు కూడా పొందటం ద్వారా భారతీయ సినిమా స్థాయి మరోస్థాయికి చేరిందని పవన్ పేర్కొన్నారు. ఇంతటి ఘనత పొందేలా RRR చిత్రాన్ని రూపొందించిన రాజమౌళికి, అభినయం చేసిన జూనియర్ ఎన్టీఆర్, రాంచరణ్ లకు, పాట పాడిన రాహుల్ సిప్లిగంజ్, కాల భైరవలకు, కొరియోగ్రాఫర్ ప్రేమ్ రక్షిత్ మాస్టర్ కి, చిత్రనిర్మాత డీవీవీ దానయ్యలకు పవన్ అభినందనలు తెలిపారు.
|
|