మహేష్ బాబు- నమ్రత లది ఎంత మంచి హృదయమో
cinema | Suryaa Desk | Published : Mon, Feb 11, 2019, 02:37 PM
సినిమాలతో బిజీగా ఉండే సూపర్ స్టార్ మహేష్ బాబు సామాజిక, సేవా కార్యక్రమాల్లోనూ ముందుంటారు. భార్య నమ్రతా శిరోద్కర్ సారథ్యంలో ఇప్పటికే చాలా సేవా కార్యక్రమాలు చేపట్టారు. వీరిద్దరూ తమ సంపాదనలో కొంత మొత్తాన్ని సమాజ సేవ కోసం ఉపయోగిస్తున్నారు. అనాథ పిల్లల కోసం సేవా కార్యక్రమాలు చేపడుతున్నారు. గచ్చిబౌలిలో ప్రారంభించిన ఏఎంబీ సినిమాస్లో అనాథ పిల్లల కోసం మొన్నామధ్య స్పైడర్ మ్యాన్ సినిమాను ప్రదర్శించారు. నమ్రత స్వయంగా దగ్గరుండి విడుదలకు ఒక్క రోజు ముందే ఈ చిత్రాన్ని అనాథ పిల్లలకు చూపించారు.
ఇక తమ పెళ్లి రోజు సందర్బంగా గత ఏడాది హైదరాబాద్ లోని దేవ్ నగర్ అంధ పిల్లల స్కూల్ లో 600 మందికి భోజనం పెట్టించాడు. అదే విధంగా ఈ ఏడాది కూడా దేవ్ నగర్ అంధ పిల్లల స్కూల్ విద్యార్థులకు బోజనం ఏర్పాటు చేయించారు. ఈ ఏడాది 650 మంది పిల్లలకు మహేష్ దంపతులు కడుపు నింపారు. స్టార్ కపుల్స్ చేసిన పని ఇతరులకు ఆదర్శం అంటూ ఫ్యాన్స్ ఆనందం వ్యక్తం చేస్తున్నారు. మ్యారేజ్ డే అంటే పార్టీలు ఇచ్చుకోకుండా ఇలా అంధ పిల్లలకు కడుపు నింపడం మంచి పని అంటూ అభినందనలు వ్యక్తం అవుతున్నాయి.
దేవ్ నగర్ అంధ పిల్లలకు మహేష్ దంపతులు ఏర్పాటు చేసిన లంచ్ కు సంబంధించి సోషల్ మీడియాలో ఫొటోలు తెగ చక్కర్లు కొడుతున్నాయి. దాంతో మహేష్ బాబు నిజంగా సూపర్ స్టార్ అంటూ అభిమానులు ఆంనందంను వ్యక్తం చేస్తున్నారు.
|
|