ఆ హోటల్కు వెళ్లి రూ.10 లక్షల బిల్లు కట్టాను… రకుల్
cinema | Suryaa Desk | Published : Sun, Feb 17, 2019, 08:03 PM
కొన్ని హోటళ్లలో కష్టమర్లను నిలువునా దోచుకుంటుంటారు. మనం అన్నీ హోటళ్లలో లస్సీ రూ.20 కదా అని వెళ్తాం. ఆర్డరిచ్చి తాగుతాం. తర్వాత బిల్లు రూ.60 ఇవ్వమని అంటాడు హోటల్ యజమాని. అప్పుడు మతిభ్రమించినంత పనౌతుంది. అదేంటని అడిగితే మా హోటల్ పోష్ అంటారు. చచ్చినట్టు డబ్బులు చెల్లించి, తర్వాత ఎక్కువ డబ్బులు చెల్లించామని పిసుక్కోవలసి వస్తుంది. ఇలాంటి అనుభవమే నటి రకుల్ ప్రీత్ సింగ్కు ఎదురైంది. తను ఇటీవల విహారయాత్ర నిమిత్తం లండన్ వెళ్లింది. స్నేహితులతో కలిసి స్థానిక రెస్టారెంట్కు వెళ్లింది. వాళ్లతో కలిసి ఎంచక్కా భోజనం చేశారు. తర్వాత బిల్లు చూసి రకుల్కు తల గిర్రున తిరిగినంత పనైంది. రూ.10 లక్షలు వేశారట. ‘నా స్నేహితులతో సరదాగా రెస్టారెంటుకు వెళ్లి ట్రీట్ ఇద్దామని లండన్లోని ఓ రెస్టారెంట్కు వెళ్లాం. అందరం మితంగానే తిన్నాం. అయినప్పటికీ రూ.10 లక్షలు బిల్లు వేశాడు. అది చూసి షాకయ్యాను. ఇదేంటని అడిగితే.. అంతేనన్నారు. చేసేదేంలేక బిల్లు కట్టి తిరిగి వచ్చేశాను. ఇంకెప్పుడూ ఆ హోటల్కు వెళ్లకూడదని నిర్ణయించుకున్నా’ అని ఆ ఘటనను గుర్తు చేసుకుని బాధపడింది రకుల్. ఆమె నటించిన ‘దేవ్’ సినిమా ప్రచార కార్యక్రమంలో భాగంగా ఓ ఆంగ్ల మీడియాకు ఇచ్చిన ఇంటర్వ్యూలో ఈ విషయం చెప్పింది రకుల్.
|
|