ఆ విషయం చాల బాధకలిగించింది
cinema | Suryaa Desk | Published : Sun, Oct 01, 2023, 01:50 PM
హీరో సిద్థార్థ్ నటించిన చిన్నా చిత్రం ప్రెస్మీట్ను కావేరీ జలాల వివాదానికి చెందిన నిరసనకారులు కర్ణాటకలో అడ్డుకోవడంతో ఎంతో నిరాశ చెందినట్లు ఆయన తెలిపారు. సినిమాకూ అక్కడ జరుగుతున్న జల వివాదానికి ఎలాంటి సంబంధం లేదని ఆయన అన్నారు. ప్రమోషన్స ఆపడం వల్ల సినిమాకు నష్టం వాటిల్లిందని ఆయన ఆవేదన వ్యక్తం చేశారు. సిద్ధార్థ్ మాట్లాడుతూ ‘‘నిర్మాతగా విడుదలకు ముందే నేను ఈ చిత్రాన్ని చాలా మందికి చూపించాలనుకున్నా. అప్పటికే చెన్నైలో కొంతమందికి చూపించాను. బెంగుళూరులో మీడియాకూ ఒక షో ఏర్పాటు చేయాలనుకున్నా. విడుదలకు ముందే 2000 మంది విద్యార్థుల?కు చూపించాలనుకున్నా. ఇప్పటి వరకు ఏ సినిమా దర్శక నిర్మాత ఇలా చేయలేదు. కానీ, బంద్ కారణంగా మేం అన్నింటినీ రద్దు చేశాం. దీనివల్ల మాకు భారీనష్టం వాటిల్లింది. దీని కన్నా బాధాకరమైన విషయం ఏంటంటే మంచి చిత్రాన్ని అక్కడి ప్రజలతో పంచుకోలేకపోయాం. నాకెంతో నిరాశ కలిగించిన విషయమిది. నా ప్రెస్మీట్ తర్వాత అందరికీ సినిమా చూపించాల్సి ఉంది. కానీ, అక్కడ ఏం జరిగిందో మీరంతా చూశారు. జరిగిన దాని గురించి నేను మాట్లాడాలనుకోవడం లేదు. సినిమాకు మంచి ప్రేక్షకాదరణ వస్తోంది. నా సినిమాకు ఈ వివాదానికి ఎలాంటి సంబంధం లేదు. నేను తీసే సినిమాల్లో సామాజిక బాధ్యత ఉంటుంది’’ అని సిద్థార్థ్ అన్నారు.
|
|