ఇప్పుడు అన్ని నేర్చుకున్న సార్
cinema | Suryaa Desk | Published : Tue, Oct 03, 2023, 04:42 PM
బుల్లితెరతోపాటు వెండితెరపై కూడా తెలుగు ప్రేక్షకులని సందడి చేస్తున్న భామ హరితేజ. తాజాగా హరితేజ సుధీర్‌బాబు హీరోగా హర్షవర్దన్‌ తెరకెక్కించిన చిత్రం ‘మామా మశ్చీంద్ర’ చిత్రంలో హరితేజ కీలక పాత్ర పోషించింది. ఈ నెల 6న ప్రేక్షకుల ముందుకు రానుంది. ఈ సందర్భంగా హైదరాబాద్‌లో నిర్వహించిన ప్రీ రిలీజ్‌ ఈవెంట్‌కు దర్శకుడు శేఖర్‌ కమ్ముల అతిథిగా హాజరయ్యారు. ఈ సందర్భంగా హరితేజ మాట్లాడుతూ ‘‘శేఖర్‌ కమ్ముల గారు మిమ్మల్ని చూడగానే ఒకటి గుర్తొచ్చింది. నేను మీ సినిమాలకు పెద్ద అభిమానిని. ఫిదా సినిమాలో అక్క క్యారెక్టర్‌ కోసం నన్ను ఆడిషన్‌కి పిలిచారు. నేను ఎలాగైనా మీ దర్శకత్వంలో సినిమా చేయాలని రెండు మూడు సార్లు వచ్చి ఆడిషన్‌ ఇచ్చాను. కానీ అప్పుడు నేను రిజెక్ట్‌ అయ్యాను. ఎందుకంటే నాకు తెలంగాణ యాస రాదని. ఆ సినిమా తర్వాత నేను తెలంగాణ యాస నేర్చుకున్నాను. ఇప్పుడు అసలు తెలంగాణ యాసలో ఇచ్చిపడేస్తున్నాం సర్‌. మరీ అంత ప్యూర్‌ కాకపోయినప్పటికి ప్రస్తుతం నేను ప్రయత్నిస్తున్నాను’’ అని చెప్పుకొచ్చింది.
|
|
