'హాయ్ నాన్నా' సెకండ్ సింగల్ విడుదలకి తేదీ లాక్
cinema | Suryaa Desk | Published : Tue, Oct 03, 2023, 08:23 PM
నూతన దర్శకుడు శౌర్యువ్ దర్శకత్వంలో నేచురల్ స్టార్ నాని తన 30వ చిత్రాన్ని అధికారకంగా ప్రకటించిన సంగతి అందరికి తెలిసిందే. ఈ చిత్రానికి 'హాయ్ నాన్నా' అనే టైటిల్‌ను మూవీ మేకర్స్ ఖరారు చేసారు. ఈ చిత్రం నుండి మూవీ మేకర్స్ విడుదల చేసిన మొదటి సింగిల్ రొమాంటిక్ ట్రాక్‌ సమయమా భారీ హిట్ అయ్యింది.
తాజాగా ఇప్పుడు, చిత్రనిర్మాతలు ఎమోషనల్ ట్రాక్‌ను విడుదల చేయడానికి ప్లాన్ చేస్తున్నారు. ఈ సినిమాలోని రెండవ సింగిల్ ని గాజు బొమ్మ అనే టైటిల్ తో విడుదల చేయనున్నట్లు సమాచారం. అక్టోబర్ 6, 2023న విడుదల కానున్న ఈ ప్రత్యేక గీతాన్ని ప్రపంచవ్యాప్తంగా ఉన్న తండ్రులకు అంకితం ఇస్తున్నట్లు నటుడు తెలిపాడు.
ఈ చిత్రంలో శృతి హాసన్, కియారా ఖన్నా కీలక పాత్రలు పోషిస్తున్నారు. ఈ సినిమా డిసెంబర్ 21, 2023న ప్రేక్షకుల ముందుకు రానుంది. సీతా రామం ఫేమ్ మృణాల్ ఠాకూర్ ఈ సినిమాలో నానికి జోడిగా నటిస్తుంది. ప్రముఖ మలయాళ మ్యూజిక్ డైరెక్టర్ హృదయం ఫేమ్ హేషమ్ అబ్దుల్ వహాబ్ ఈ సినిమాకి సంగీతం అందిస్తున్నారు. వైరా ఎంటర్‌టైన్‌మెంట్స్ పతాకంపై మోహన్ చెరుకూరి (CVM), డాక్టర్ విజయేందర్ రెడ్డి తీగల మరియు మూర్తి KS ఈ చిత్రాన్ని నిర్మిస్తున్నారు.
|
|