టైగర్-3 ట్రైలర్‌కు ముహూర్తం ఫిక్స్‌ !
cinema | Suryaa Desk | Published : Wed, Oct 04, 2023, 12:36 PM
వారం రోజుల కిందట రిలీజైన టైగర్-3 గ్లింప్స్‌కు వీర లెవల్లో రెస్పాన్స్ వచ్చింది. ఇరవై ఏళ్ల జీవితాన్ని భారతదేశం కోసం అర్పించిన ఓ స్పై ఏజెంట్‌ను దేశ ద్రోహి అంటూ ముద్ర వేస్తే.. తనపై పడిన ముద్రను చెరిపేసుకోవడానికి తనకు క్యారెక్టర్‌ సర్టిఫికేట్‌ ఇవ్వాలని దేశాన్ని కోరాడం, అంతవరకు దేశం కోసం పోరాడుతూనే ఉంటానంటూ చెప్పడం సినిమాపై ఓ రేంజ్‌లో అంచనాలు పెంచేసింది. ఈ సారి ఒక్క యాక్షన్‌ మాత్రమే కాదు.. స్టోరీ కూడా సర్‌ప్రైజింగ్‌గా ఉండబోతున్నట్లు తెలుస్తుంది. కాగా తాజాగా మేకర్స్ మరో క్రేజీ అప్‌డేట్‌ను ప్రకటించారు.
ఈ సినిమా ట్రైలర్‌ను అక్టోబర్‌ 16న రిలీజ్‌ చేస్తున్నట్లు మేకర్స్ వెల్లడించారు. టైగర్ సిరీస్‌లో మూడో ఫ్రాంచైజీగా రూపొందిన ఈ చిత్రానికి మనీష్ శర్మ దర్శకత్వం వహించాడు. యాక్షన్‌ స్పై థ్రిల్లర్‌గా తెరకెక్కుతున్న ఈ సినిమా దీపావళి డేట్‌ను లాక్‌ చేసుకుంది. హిందీతో పాటు తెలుగు, తమిళ భాషల్లోనూ ఈ సినిమా ఏకకాలంలో రిలీజ్‌ కాబోతుంది. యష్‌ రాజ్‌ ఫిలింస్‌ నిర్మిస్తున్న ఈ సినిమాలో సల్మాన్‌కు జోడీగా కత్రినా కైఫ్‌ హీరోయిన్‌గా నటిస్తుంది. గతంలో ఈ సిరీస్‌లో తెరకెక్కిన ఏకా థా టైగర్, టైగర్ జిందా హే సినిమాలు బాక్సాఫీస్‌ దగ్గర భారీ వసూళ్ళను సాధించాయి.
|
|