బాలకృష్ణ కోసం మహేష్ వస్తాడంటాడా..?
cinema | Suryaa Desk | Published : Sat, Oct 07, 2023, 02:57 PM
బాలకృష్ణ హోస్ట్ గా చేసిన 'ఆన్ స్టాపబుల్' షో కి మహేష్ బాబు రావటమే కాకుండా, బాలకృష్ణ మంచి ప్రశ్నలు వేసి మహేష్ బాబు తో బాగా మాట్లేడేరు. ఆ తరువాత వాళ్లిద్దరూ కలిసి ఇంకో ఫంక్షన్ లో కలుస్తున్నారు అని ఒక వార్త సాంఘీక మాధ్యమంలో వైరల్ అవుతోంది. బాలకృష్ణ నటించిన 'భగవంత్ కేసరి' ట్రైలర్ విడుదల ఫంక్షన్ వరంగల్ లోని హన్మకొండలో రేపు జరగనుంది. ఈ సినిమాకి దర్శకుడు అనిల్ రావిపూడి, అతను ఇంతకు ముందు మహేష్ బాబుతో 'సరిలేరు నీకెవ్వరు' సినిమా చేసాడు. అప్పటి నుండి మహేష్ బాబు కి అనిల్ రావిపూడి మధ్య మంచి సన్నిహితం ఏర్పడింది. ఇలా బాలకృష్ణ, అనిల్ రావిపూడి ఇద్దరూ 'భగవంత్ కేసరి' సినిమాతో ముడిపడటం, ఆ ఇద్దరూ మహేష్ బాబు కి బాగా సన్నిహితం కావటం, అందువలన మహేష్ బాబు వచ్చి భగవంత్ కేసరి ట్రైలర్ విడుదల చేస్తాడని అభిమానులు అందరూ అంటున్నారు. ఇదే విషయం సాంఘీక మాధ్యమంలో చక్కర్లు కొడుతోంది, వైరల్ అయింది కూడా. అయితే ఇంతకీ మహేష్ బాబు వస్తున్నాడా, రావటం లేదా? రేపే కదా ఫంక్షన్, ఈరోజు వరకు అధికారికంగా ఏమీ చెప్పలేదు.
|
|