ఆ పాత్ర చెయ్యడం గర్వంగా ఉంది
cinema | Suryaa Desk | Published : Fri, Oct 13, 2023, 12:44 PM
సల్మాన్ ఖాన్ హీరోగా, కత్రినా హీరోయిన్ గా నటించిన చిత్రం 'టైగర్ 3'. ఈ చిత్రం విడుదల సందర్భంగా జరిగిన మీడియా సమావేశంలో కత్రినా మాట్లాడుతూ ‘‘వైఆర్‌ఎఫ్‌ సంస్థ రూపొందిస్తోన్న స్పై యూనివర్స్‌లో తొలి లేడీ స్పై పాత్ర జోయా. ఆ పాత్రను నేను పోషించటం ఎంతో గర్వంగా ఫీల్‌ అవుతున్నాను. భయానికి లోను కాకుండా ధైౖర్యంగా ముందుకు సాగిపోయే జోయా క్యారెక్టర్‌ గురించి ఎంత చెప్పినా తక్కువే. ఆ పాత్ర సహృదయం కలది. తనవారిని రక్షించుకుంటూనే విధేయత చూపగల మనస్తత్వం ఆమె సొంతం. అవసరం ఉన్న ప్రతీ చోట ప్రత్యక్షం కావటంతో పాటు అక్కడ మానవత్వాన్ని చూపుతుంటుంది. జోయా పాత్రను పోషించటం సవాల్‌గా అనిపించింది. ప్రతి సినిమా నాకొక పరీక్షగానే భావిస్తాను. అందులో ఈ టైగర్ 3 సినిమా కూడా ఉంది. ఈ సారి టైగర్ 3లో యాక్షన్‌ సన్నివేశాలు నెక్ట్స్‌ లెవల్లో ఉండాలని ముందుగానే భావించాం. ఇప్పటి వరకు నేను చేసిన సినిమాల్లో శారీరకంగా ఎక్కువ కష్టపడింది ఈ సినిమాకే. యాక్షన్‌ సన్నివేశాలు గొప్పగా ఉండాలని నా శాయశక్తులా కష్టపడ్డాను. నా పాత్ర ధైర్యంతో, సవాళ్లను ఎదుర్కొనేలా, బలంగా ముందుకు సాగేలా ఉంటుంది. ఈ జోయా పాత్రను స్క్రీన్ పై చూసేటప్పుడు ఆడియెన్స్‌ ఎలా రియాక్ట్‌ అవుతారో చూడాలని ఆసక్తిగా ఎదురు చూస్తున్నాను’’ అన్నారు. మనీష్‌ శర్మ దర్శకత్వంలో ఆదిత్య చోప్రా ఈ చిత్రాన్ని నిర్మిస్తున్నారు. దీపావళికి ఈ చిత్రం విడుదల కానుంది.
|
|