ఎక్స్‌ట్రా - ఆర్డినరీ మ్యాన్‌’ చిత్రం నుండి పాట విడుదల
cinema | Suryaa Desk | Published : Sat, Nov 11, 2023, 01:41 PM
నితిన్, టాలీవుడ్ క్రష్ శ్రీలీల హీరోహీరోయిన్లుగా రూపొందుతోన్న ఔట్ అండ్ ఔట్ ఎంట‌ర్‌టైన‌ర్‌ చిత్రం ‘ఎక్స్‌ట్రా - ఆర్డినరీ మ్యాన్‌’. రైట‌ర్ - డైరెక్ట‌ర్ వ‌క్కంతం వంశీ ఈ సినిమాను తెర‌కెక్కిస్తున్నారు. సినిమా షూటింగ్ శ‌ర‌వేగంగా జ‌రుగుతోంది. ఈ సినిమా నుంచి సెకండ్ సాంగ్ ‘బ్రష్ వేసుకో..’ అనే లిరికల్ పాటను చిత్ర బృందం శుక్రవారం విడుదల చేసింది. ఈ పాటను CMR కాలేజ్‌ విద్యార్థుల సమక్షంలో విడుదల చేశారు. పాట విషయానికి వస్తే.. హామింగ్‌గా అనిపిస్తోంది. ఫుట్ ట్యాపింగ్ మ్యూజిక్‌తో హేరిష్ జైరాజ్ అందించిన ఈ పాటకు రామజోగయ్య శాస్త్రి సాహిత్యం అందించగా.. సంజిత్ హెగ్డే పాడారు. కచ్చితంగా చార్ట్ బస్టర్‌లో ఈ పాట సెన్సేషన్ క్రియేట్ చేస్తుందనిపించేలా మ్యూజిక్ అందరినీ ఆకట్టుకుంటోంది. ఇప్పటికే ఈ సినిమాకు సంబంధించి విడుదలైన ‘డేంజర్ పిల్ల...’ సాంగ్ ఎంత పెద్ద హిట్ అయ్యిందో అందరికీ తెలిసిందే. ఆ పాటను అర్మాన్ మాలిక్ పాడారు. అలాగే రీసెంట్‌గా విడుదలైన టీజర్.. అందులో యూనిక్‌గా ఉన్న నితిన్ క్యారక్టరైజేషన్, మూవీ కాన్సెప్ట్ అందరినీ మెప్పించింది. నితిన్ ఈ చిత్రంలో జూనియర్ ఆర్టిస్ట్ క్యారెక్టర్‌లో కనిపించనున్నారు.
|
|