ట్రెండింగ్
డిసెంబరు 29న విడుదల కానున్న ‘బబుల్‌గమ్‌’
cinema | Suryaa Desk | Published : Sat, Nov 25, 2023, 12:42 PM
రోషన్‌ కనకాల కథానాయకుడిగా పరిచయం అవుతున్న చిత్రం ‘బబుల్‌గమ్‌’. రవికాంత్‌ పేరేపు దర్శకుడు. మహేశ్వరి మూవీస్‌, పీపుల్‌ మీడియా ఫ్యాక్టరీ సంయుక్తంగా నిర్మిస్తున్నాయి. డిసెంబరు 29న ప్రేక్షకుల ముందుకు వస్తోంది. ఇటీవల అగ్ర కథానాయకుడు చిరంజీవి చేతుల మీదుగా ‘ఇజ్జత్‌’ అనే గీతాన్ని విడుదల చేశారు. శ్రీచరణ్‌ పాకాల సంగీతాన్ని అందించారు. ఎం.ఎస్‌. హరి సాహిత్యాన్ని సమకూర్చారు. ఎం.ఎ్‌స.హరి, రోషన్‌ కనకాల ఆలపించారు. ఈ సందర్భంగా చిరంజీవి మాట్లాడుతూ ‘‘బబుల్‌గమ్‌ ట్రైలర్‌ చూశాను. చాలా బాగా నచ్చింది. ‘ఇజ్జత్‌’ పాట కూడా ఎనర్జిటిక్‌గా ఉంది. శ్రీచరణ్‌ హుషారైన బాణీ అందించారు. పాట వింటుంటే.. రోషన్‌తో కలిసి స్టెప్పు వేయాలి అనిపించింద’’న్నారు. మానస చౌదరి కథానాయికగా నటించిన ఈ చిత్రంలో హర్ష, కిరణ్‌ మచ్చ, అనన్య ఆకుల, అను హాసన్‌ కీలక పాత్రలు పోషించారు.
|
|