రామ్ చరణ్ 'గేమ్ ఛేంజర్' పై ఆసక్తికరమైన అప్డేట్
cinema | Suryaa Desk | Published : Sat, Nov 25, 2023, 07:45 PM
సెన్సషనల్ డైరెక్టర్ శంకర్ దర్శకత్వంలో మెగా పవర్ స్టార్ రామ్ చరణ్ తన 15వ సినిమా చేస్తున్న సంగతి తెలిసిందే. ఈ చిత్రానికి 'గేమ్ ఛేంజర్' అనే టైటిల్ ని మూవీ మేకర్స్ లాక్ చేసారు. ఇటీవలే మైసూరులో ఈ సినిమా కొత్త షెడ్యూల్ ప్రారంభించిన సంగతి తెలిసిందే. రీసెంట్‌గా చరణ్ కూడా మైసూర్‌లో అడుగుపెట్టగా, ఇప్పుడు ఈ షెడ్యూల్‌కి సంబంధించి లేటెస్ట్ అప్డేట్ వెల్లడి అయ్యింది. లేటెస్ట్ అప్డేట్ ప్రకారం, రామ్ చరణ్‌తో పాటు నటుడు ఎస్‌జే సూర్య, పృథ్వీ, సునీల్‌తో పాటు మరికొందరు కీలక నటులపై కీలక సన్నివేశాలను చిత్రీకరిస్తున్నారు.
ఈ సినిమాలో బాలీవుడ్ బ్యూటీ కైరా అద్వానీ కథానాయికగా నటిస్తోంది. అరవింద్ స్వామి, ఎస్‌జే సూర్య, సురేష్ గోపి, ఈషా గుప్తా, అంజలి, శ్రీకాంత్, జయరామ్, సునీల్, హ్యారీ జోష్ మరియు నవీన్ చంద్ర ఈ సినిమాలో కీలక పాత్రలలో కనిపించనున్నారు. 2024 సమ్మర్‌లో ఈ సినిమా పెద్ద స్క్రీన్‌లపైకి వచ్చే అవకాశం ఉంది. ఈ మెగా చిత్రానికి థమన్ ఎస్ సౌండ్‌ట్రాక్స్ అందించనున్నారు. దిల్ రాజు తన హోమ్ బ్యానర్ శ్రీ వెంకటేశ్వర క్రియేషన్స్‌పై ఈ సినిమాని నిర్మిస్తున్నారు.
|
|